Bul joba Qazaqstan Respýblıkasynyń Prezıdenti Qasym-Jomart Kemeluly Toqaevtyń ıdeıasyn qoldaýǵa bastamashy bolyp, elimizdiń kreatıvti ekonomıkasyn damytýǵa baǵyttalǵan, sondaı-aq órshil, shyǵarmashyl adamdardy biriktirip, olardyń ıdeıalaryn damytýǵa jáne iske asyrýǵa serpin berýge arnalǵan.
Sonymen qatar Abaı kúnin merekeleý qarsańynda bul joba «Tolyq Adam» («a person of intergrity», «tolyq adam» ıdeıasy) ıdeıasyn ilgeriletý jónindegi is-sharalarǵa serpin berdi, onda úılesimdi jáne tolyq tulǵanyń eń negizgi qasıetteri ádildik, eńbekqorlyq, meıirimdilik, adamnyń únemi jetildirilýi jáne bilimge umtylý.
Sondyqtan osy baıqaýdyń baǵyttary «Bıznesti» qamtydy, onda isin jańa bastaǵan kásipkerler ózderiniń startaptarymen jáne beınekontentterimen bólisýge múmkindik boldy. Sonymen qatar rejısserler men beınemeıkerler ózderiniń beıne jobalarymen qatysty. Júlde qory eki jeńimpazǵa arnalǵan 6 000 000 teńgeni qurady, olardyń jumystary «Tolyq Adam» jobasyn iske asyrýǵa baǵyttalýǵa tıis boldy.
Oflaın is-sharalarǵa qatysý Qýanysh Beısek pen Rasýl Abdýllaevtyń «beınekontent» baǵytyndaǵy, sondaı-aq Aqsultan Qalıev pen Rýslan Haırýllaevtyń «Bıznes» baǵytyndaǵy tálimgerligimen súıemeldendi.
Bıylǵy jyldyń mamyr jáne maýsym aılarynda tirkeý kezinde 1800-ge jýyq adam konkýrsqa qatysýǵa nıet bildirdi jáne tek 20 adam ǵana jiberilip, olar ózderiniń súıikti Dudeontheguitar, Bonapart, Introvert, Colorit, Akim ártisteriniń qoıylymdaryn, sondaı-aq keremet fotosýretter túsirýge bolatyn ınteraktıvti aımaqtar, ulttyq stıldegi ádemi bodı men feısart, sondaı-aq qolónermen aınalysý múmkindigine ıe boldy.
Is-sharany Vıtalıı Býjan men Kaizen Center qoldap, fınalısterge qundy sertıfıkattar berdi.
Joba sońynda Astana, Almaty jáne Shymkent qalalarynan 3 jeńimpaz tańdaldy, olardyń jumystary kórermender men tálimgerlerdi tań qaldyrdy. Jeńimpazdardyń jobalary Aýyl sharýashylyǵyn sıfrlandyrý jáne jańǵyrtý, elimizdegi mýltıplıkasııalyq ındýstrııany damytý jáne aýyldardaǵy jastar men balalardy damytý úshin múmkindikter jasaý sııaqty maqsattardy qamtydy.
Qazaqstan Respýblıkasynyń Prezıdenti Qasym-Jomart Kemeluly Toqaevtyń ıdeıasyn qoldaıtyn osyndaı jobalar Qazaqstannyń jas urpaǵyn eńbekke yntalandyrýǵa jaqsy sebep bolady.
