№36 qalalyq emhananyń pedıatr dárigeri Móldir Dosjannyń aıtýynsha, barlyq jańa týǵan náreste men 6 jasqa deıingi bala aýdıologııalyq skrınıngten ótedi.
«Estý patologııasy balanyń sóıleý men til damýynyń keshigýine, áleýmettik, emosıonaldyq jáne kommýnıkasııalyq daǵdylardyń qalyptasýynyń buzylýyna, kognıtıvti damýdyń keshigýine jáne tómendeýine ákeledi. Estý patologııasynyń teris áseriniń aýyrlyǵy estý qabiletiniń buzylýynyń túri men dárejesine, estý qabileti joǵalýynyń bastalý jasyna qaraı ártúrli bolýy múmkin. Estý qabileti nashar balalardy estý ortasyna biriktirýdiń sáttiligi kóbinese estý qabiletiniń joǵalýy qanshalyqty erte anyqtalǵanyna baılanysty. Eger túzetilmegen estý qabiletiniń joǵalýy tildi meńgerýdiń mańyzdy kezeńinde oryn alsa, onda balalar qabyldaý jáne ekspressıvti sóıleýdiń tereń buzylýyn, óreskel damý keshigýlerin bastan ótkerýi múmkin. Estý qabiletiniń buzylýyn der kezinde dıagnostıkalaý jáne kómek kórsetý baǵdarlamasyn bastaý estý qabiletiniń joǵalýynyń jaǵymsyz saldaryn barynsha azaıtýdyń qajetti sharty bolyp sanalady», dedi maman.
Pedıatrdyń aıtýynsha, estý qabileti buzylǵan balalardyń shamamen jartysynda estý qabiletiniń joǵalýy men kereńdiktiń damýy úshin aıqyn qaýip faktory joq.
Estý qabiletiniń joǵalýy ata-ana men mamandardyń nazaryn aýdarmastan, birte-birte oryn alýy da múmkin. Sondyqtan bul faktor neonataldy kezeńnen bastap balalardy jappaı tekserý qajettiligin aıqyndaıdy.
Jańa týǵan nárestege arnalǵan aýdıologııalyq skrınıngtiń birinshi kezeńi dúnıege kelgen náreste ómiriniń alǵashqy 24-72 saǵatynda júzege asyrylady. Aýdıologııalyq skrınıngtiń ekinshi kezeńi emhananyń balalardy damytý kabınetinde 3 aı, 1 jas, 2 jas, 3 jas, 6 jasta júrgiziledi.
«Emhana qyzmetkerleri tirkelgen turǵyndarǵa aýdıologııalyq skrınıng qajet ekenin únemi habarlaıdy. Zertteý kezinde jedel respıratorlyq jáne juqpaly aýrýdyń bolmaýy mindetti shart bolyp tabylady. Estý qabiletiniń buzylýy anyqtalǵan jaǵdaıda balany odan ári tereńdetilgen tekserýge sýrdologııalyq kabınetke, tereńdetilgen pedagogıkalyq tekserýden ótýge jáne túzetý ári damyta oqytý máselelerin sheshý úshin psıhologııalyq-medısınalyq-pedagogıkalyq konsýltasııaǵa jiberedi», dep túıindeıdi Móldir Dosjan.
