foto: ashyq derekkóz
Premer-mınıstr atalǵan salalarda júrgizilip jatqan aýqymdy jumystar – jer jerdegi bytyrańqy jobalar emes, ınfraqurylymdyq múmkindikti arttyra túsý jolyndaǵy júıeli saıasattyń kórinisi ekenine toqtaldy.
«Prezıdent atap ótkendeı, «Energetıka jáne turǵyn-úı kommýnaldyq sharýashylyǵy kez kelgen memlekettiń ómir súrýine asa qajetti tuǵyr sanalady». Aýqymdy reformalar bastaý alǵanǵa deıin birqatar óńirlerde generasııalyq qýat kózderi men jylý jelileriniń tozýy 70%-ǵa deıin jetse, keı óńirlerde bul kórsetkish 80%-dan asyp ketken edi. Energetıkalyq nysandarda bolǵan iri apattar saldarynan saqyldaǵan sary aıazda keı qalalardaǵy turǵyn úıler jylýsyz qalǵan qıyn sátti eshkim de umyta qoımaǵan shyǵar. Búginde júrgizilip jatqan tarıfterdi yryqtandyrý jáne ınvestısııalar tartý saıasaty burynǵydaı «jantalasa jamap-jasqaýdan» góri salany sapaly deńgeıde jańǵyrtýǵa múmkindik berdi. Qaraǵandy, О́skemen, Jezqazǵan, Ekibastuz, Balqash qalalarynda JEO-ny jańǵyrtý jobalary júzege asyrylyp jatyr. Almaty, Temirtaý, Rıdderde jylý qýattary jańartylýda, sonymen birge Aqtaý, Atyraý, Oral, Taraz, Ekibastuz (GRES-2) qalalarynda stansalardyń qýattaryn keńeıtý jumystary jalǵasýda. Odan bólek Aqtóbe, Atyraý, О́skemen, Kókshetaý, Qyzylorda, Semeı, Taraz, Túrkistan, Ekibastuz (GRES-3) qalalarynda jańa generasııa kózderiniń jobalary boıynsha jumystar júrgizilip keledi», dedi Úkimet basshysy.
Bektenov: «Taza Qazaqstan» bastamasy qazaqstandyqtar tarapynan qoldaý tapty
Oljas Bektenovtiń aıtýynsha, osymen ekinshi jyl qatarynan jylý maýsymy aıtarlyqtaı apatsyz ótip jatyr deýge bolady.
«Prezıdent energetıkalyq turaqtylyqty ulttyq qaýipsizdik máselesi dep atap, mundaǵy sheshimder ondaǵan jyldar ilgeri qabyldanýǵa tıis ekenin únemi aıtyp keledi. Bul rette elimizde elektr energııasyn óndirý josparly túrde ósýde. Máselen, ol 2019 jylǵy 106 mlrd kVt/saǵattan 2025 jyly 123,1 mlrd kVt/saǵatqa deıin jetti. Salystyrmaly túrde aıtsaq, jeti jylda iske qosylǵan qýattardyń jalpy kólemi Almaty qalasy men Almaty oblysynyń bir jarym jyldyq tutynatyn elektr energııasyna teń», dedi Premer-mınıstr.
Onyń aıtýynsha, 2027 jyldyń birinshi toqsanynyń sońyna qaraı Qazaqstan elektr energııasy tapshy elder qatarynan shyǵyp, profısıttik deńgeıge ótedi.
«Sol sııaqty Almatydaǵy JEO-2 men JEO-3-ti tabıǵı gazǵa aýystyrýǵa erekshe nazar aýdarylyp otyr. Bul eki JEO-ny tolyq kóshirý osy jyldyń sońyna deıin aıaqtalady. Birneshe júz mıllıard teńge turatyn jobalar qalanyń ekologııasyn aıtarlyqtaı jaqsarta túspek. Uzaqmerzimdi generasııa balansyn qalyptastyrý úshin atom energetıkasyn damytý mańyzdy sheshim boldy. AES qurylysy elektr qýatyna suranys arta túsken búgingideı jaǵdaıda zııandy qaldyqtardyń aýaǵa taralýyn azaıtyp, generasııa kózderin ártaraptandyrýdy qamtamasyz etedi», dedi Oljas Bektenov.
Oljas Bektenov: Jańa Konstıtýsııa – bolashaqtyń strategııalyq tańdaýy
Sonymen qatar joba aldaǵy ýaqyttaǵy tehnologııalyq damýdyń, óndiristi lokalızasııalaýdyń jáne ınjenerlik kadr daıarlaýdyń berik negizi bolmaq.
