Júlde qory 6 600 000 AQSh dollaryn quraıtyn jarystyń ekinshi aınalymynda otandasymyz álemdik reıtıngte 584-orynda turǵan amerıkalyq Djennıfer Bredımen sheberlik baıqasty. 9 tamyzda ótýge tıis bolǵan báseke jańbyrǵa baılanysty birinshi partııa (6:6 kezinde) toqtatylyp, oıyn bir kún keıinge shegerilgen edi. 10 tamyzdaǵy Elena men Djennıfer arasyndaǵy match asa tartysty ótip, jerlesimiz 6:7, 7:6, 6:3 esebimen jeńiske jetti. Keshe Elena atalǵan týrnırdiń tórtinshi aınalymyna shyǵý úshin taǵy bir AQSh ókili Sloan Stıvenspen kezdesti. Dúnıejúzilik reıtıngte 38-satyǵa jaıǵasqan Sloan ekinshi kezeńde Belarýs tennısshisi Vıktorııa Azarenkomen oınaýy kerek edi, alaıda Azarenko ózin nashar sezinýine baılanysty básekeden bas tartty.
О́kinishke qaraı, Kanadadaǵy týrnırge qatysyp jatqan eki otandasymyz jarys jolynan shyǵyp qaldy. Torontodaǵy erler týrnırinde Aleksandr Býblık birinshi aınalymda polshalyq Hýbert Gýrkachke jol berse, Iýlııa Pýtınseva Monrealdaǵy jarystyń ekinshi kezeńinde álemniń úshinshi raketkasy amerıkalyq Djessıka Pegýladan jeńilip qaldy – 6:4, 6:4.
