Iýrıı Melnıchenko elimizdiń eńbek sińirgen jattyqtyrýshysy uzaq jyldar boıy grek-rım kúresinen ulttyq quramanyń kóshbasshysy boldy. Sondaı-aq ol – kúres túrleri tarıhynda elimizden shyqqan tuńǵysh Olımpıada chempıony jáne qazaq sportshylary arasynda Olımpııa oıyndarynyń altyn tuǵyrynan kóringen alǵashqy sańlaq. Sonymen qatar Iýrıı Melnıchenko – el chempıonatynyń jeti dúrkin chempıony, Azııa birinshiliginiń eki dúrkin jeńimpazy, Azııa oıyndarynyń altyn júldegeri, eki dúrkin álem chempıonatynyń kúmis medal ıegeri.
Iýrıı Melnıchenko osymen ulttyq qurama tizginin ekinshi márte ustap otyr. Ol buǵan deıin 2000-2004 jyldary ulttyq qurama múshelerin jattyqtyrǵan. Melnıchenkonyń basshylyǵymen 2002 jyly el quramasy Pýsandaǵy jazǵy Azııa oıyndarynda eki altyn medal jeńip alsa, Afınadaǵy Olımpııa oıyndarynda eki júldege qol jetkizgen.
