Is-sharalardyń negizgi maqsattary – memlekettik jastar saıasaty tujyrymdamasyn iske asyrý jáne jastar arasynda memlekettik qoldaý sharalaryn ilgeriletý, jastarmen jumys tetikterin, formattaryn damytý, sondaı-aq memlekettik qoldaý sharalary týraly keńinen habardar etý, sondaı-aq ártúrli salalarda jetistikke jetken qazaqstandyq jastardyń kóshbasshylyq áleýetin atap ótý.
7-9 tamyz aralyǵynda «Jastar Elge!» atty joǵary rýhanı jáne adamgershilik qundylyqtardy, sondaı-aq jastardyń kóshbasshylyq áleýetin kórsetý maqsatynda is-sharalar kesheni ótkizilgen.
Sondaı-aq «12 ıgi is» aksııasy bastalyp, onyń aıasynda Qazaqstan jastary ıgi ister jasap, áleýmettik jelilerde biryńǵaı heshtegpen bólisip otyrdy.
Barlyq qalalarda, aýdandarda, aýyldarda belsendi jastardyń, volonterlerdiń, óńirdiń jastar uıymdary basshylarynyń qatysýymen qaıyrymdylyq aksııalary uıymdastyrylyp, az qamtylǵan otbasylarǵa, jalǵyzbasty qarttarǵa, múmkindigi shekteýli jandarǵa azyq-túlik, qarjylyq kómekter kórsetilgen.
Búkil el boıynsha qorshaǵan ortany qorǵaýǵa, tabıǵatqa uqypty qaraýǵa baǵyttalǵan: ekologııalyq aksııalar, senbilikter, qoqys jınaý, aǵashtardy kútý aksııalary ótken.
Sonymen qatar, barlyq qalalarda, aýdandarda, aýyldarda «Bilim», «Sabaqtastyq», «Saýlyq», «Qamqor», «Taza Álem», «Úmit», «Asyl mura» baǵyttary boıynsha volonterler is-sharalary uıymdastyrylǵan.
Bularǵa qosa, 9-11 tamyz aralyǵynda «Jastar – el damýynyń basty draıveri!» is-sharalar kesheni ótkizilip, onyń sheńberinde 232 jastar resýrstyq ortalyǵy bazasynda memlekettik qoldaý sharalary boıynsha aqparattyq-túsindirý jumystary jáne jastarǵa «Dıplommen aýylǵa!», «Jastar praktıkasy», «Jas otbasy», «Jalǵa beriletin turǵyn úı», «Jastarǵa arnalǵan turǵyn úı», «Jasyl el», «Jas kásipker», «Serpin», «Daryn», «Táýelsizdik urpaqtary», «Bolashaq», «Kásipkerlikke 2,5% jeńildikpen kredıt berý» jáne taǵy basqa baǵdarlamalar men jobalar boıynsha arnaıy konsýltasııalar ótkizilgen.
NEET sanatyndaǵy jumyssyz jastar úshin JOO men kolledj túlekterin jumysqa ornalastyrýǵa járdemdesý maqsatynda barlyq qalalarda, aýdandarda, aýyldarda keń aýqymdy bos oryndar jármeńkesi ótken.
О́ńirde jastarǵa arnalǵan nysandar (mektepter, kolledjder, sporttyq-mádenı ortalyqtar, jataqhanalar jáne t.b.) ashyldy, street workout boıynsha jastar arasynda jarystar, sondaı-aq 12 shaqyrymdyq marafon ótkizilip, túrli salalarda erekshelengen eń belsendi jastar oblys basshylyǵynyń alǵys hattarymen jáne estelik syılyqtarymen marapattalǵan.
Jastar aptalyǵy sheńberinde 14-35 jas aralyǵyndaǵy 1,5 mln-nan astam jastardyń qatysýymen 1000-nan astam is-sharalar uıymdastyrylǵan.
