Deklarasııa ýaqyty aıaqtalýǵa jaqyn

2021 jyly jalpyǵa birdeı de­k­la­rasııalaýdyń birinshi kezeńine kirgen jáne buryn aktıvteri men mindettemeleri týraly deklarasııa­ny usynǵan tulǵalar atalǵan qujatty tap­syrýdy jalǵastyrady. Olarǵa memlekettik qyzmetshiler, olar­ǵa teńestirilgen tulǵalar, bank, saq­­tandyrý naryqtary men baǵa­ly qa­­ǵazdar naryǵynyń iri qaty­sý­­shylary, sondaı-aq osy adam­dar­dyń barlyǵynyń jubaılary jatady. Ekinshi kezeńde – 2023 jylǵy 1 qańtardan bastap memlekettik meke­­­me­lerdiń qyzmetkerleri men olar­dyń jubaılary, sondaı-aq kva­zı­­­memlekettik sektor sýbek­ti­le­riniń qyzmetkerleri men olardyń jubaı­la­ry úshin deklarasııalaý júrgiziledi.

Osylaısha, 2023 jylǵy 1 qań­tar­dan bastap jalpyǵa birdeı de­k­larasııalaý júıesine kirgen mem­lekettik mekemelerdiń qyz­metkerleri men olardyń jubaılary, kvazımem­le­kettik sektordyń qyzmetkerleri jáne olardyń jubaılary 2023 jyly aktıvter men mindettemeler týraly deklarasııany (250.00-nysan) usyný arqyly 2024 jyly kirister men múlik týra­ly deklarasııany (270.00-nysan) usynady.

Úshinshi kezeńde – 2024 jylǵy 1 qańtardan bastap zańdy tulǵalardyń basshylary men quryltaıshylary jáne olardyń jubaılary, jeke ká­sip­kerler men olardyń jubaılary deklarasııalaýǵa jatady. Tórtinshi kezeńde – 2025 jylǵy 1 qańtardan bastap azamattardyń qalǵan sanaty deklarasııa tapsyrady. Aıta keteıik, deklarasııa degenimiz – salyq salynatyn jeke tulǵanyń tabysy týraly esep.

Qarjy mınıstrliginiń habarla­ýynsha, deklarasııada memlekettik nemese basqalaı tirkeýge tıesili, onyń ishinde shekaradan tys aýmaqtaǵy muragerlikpen berilgen, satyp alyn­ǵan nemese satylǵan múlikter týraly aqparattar kórinis tabýǵa tıis. Oǵan jyljymaıtyn múlik, onyń ishinde jer telimi nemese jer úlesi; áýe jáne teńiz kemesi, avtomobıl, arnaıy tehnıka; turǵyn úı qurylysyna úlestik qatysý týraly kelisim boıynsha Turǵyn úı ǵımaratyndaǵy úles; zańdy tulǵanyń jarǵylyq kapıtalyna qatysý úlesi; baǵaly qaǵazdar, óndirilgen qarjy quraldary, sıfr­lyq aktıvter; ınvestısııalyq altyn, zııatkerlik menshik nysandary, avtorlyq quqyq jatady.

Sondaı-aq baǵalaý qyzmeti týra­ly zańnamaǵa sáıkes baǵalaýshy men salyq tóleýshi arasyndaǵy shart boıynsha júrgizilgen baǵalaý týraly esepte aıqyndalǵan qun bolǵan kezde jeke tulǵa qalaýy boıynsha osy mú­lik­tiń birligi úshin baǵa (qun) 1 000 AEK-ten asqan jaǵdaıda ózge múlikti kórsete alady.

Elimizde keńinen etek alǵan jaǵ­daı­dyń biri – mamandardyń JK qurý arqyly qyzmet kórsetýi. Olarda jaldamaly jumysshylar nemese bıznes-jyljymaıtyn múlik bolmaıdy, sol sebepti olar óz qyzmetin aıaqtaı otyra JK-ni jabý prosedýrasyn mindetti dep sanamaıdy. Degenmen memleket úshin ol JK-ler tirkelgen bolyp esepteledi jáne sondyqtan ıeleri 2024 jyldyń 1 qańtarynan bastap ak­tıvter jáne mindettemeler týraly deklarasııany tapsyrýǵa mindetti.

Eger jeke kásipker óz qyzmetin ári qaraı jalǵastyrmaıtyn bolsa, onda ol JK-ni jaýyp, sáıkesinshe 2024 jyly deklarasııa tapsyrmaýyna bolady. Qazirgi ýaqytta JK-ni jabý úderisi birshama jeńildetilgen jáne der kezinde esep ótkizbegeni úshin de aıyppul salynbaıdy.

Endi memlekettik qyzmetkerler ja­ıyna keleıik. №270 nemese №250 for­masy boıynsha deklara­sııa tap­syrýdyń tártibi birkelki beki­til­­gen. Mysaly, azamat memleket­tik qyz­metten 2024 jyldyń aqpanyn­da ketse, biraq 2024 jyldyń 1 qań­ta­ryn­daǵy jaǵdaı boıynsha jaýapty basqarýshylyq laýazymda bolǵan bolsa (deklarasııa tapsyrý boıynsha mindetti tulǵalar kategorııasyna jatqan bolsa), onda ol 2024 jylǵy jalpy deklarasııa tapsyrý aıasynda kiristeri týraly málimetin usynýǵa min­detti bolady.

Kirister týraly deklarasııasy for­masynyń tıpterimen Memle­ket­tik kirister komıtetiniń saıtynda tanysýǵa múmkindik bar.

Kirister men múlik týraly deklarasııany (270.00 formasy) jáne ak­tıvter men mindetteme týraly dek­­­la­rasııany (250.00 formasy) qa­ǵaz kúıinde de, elektrondy formatta da tapsyrýǵa bolady. Qaǵaz kú­ıinde usyný úshin jergilikti Halyq­qa qyz­met kórsetý ortalyǵyna júgi­ný kerek, ne bolmasa jergilikti mem­le­kettik kirister departamentine hat jol­daý qajet. Al elektrondy túrde tapsyrý úshin úsh birdeı nusqa bar. Bul – Salyq tóleýshiniń jeke kabı­ne­ti, eGov elektrondy úkimet portaly, eSalyq Azamat jáne eGov mobile mobıldi qosymshalary.

Eger deklarasııany tapsyryp, alaıda onda qandaı da bir múlikti kór­setý umyt qalsa, qosymsha dek­la­ra­­sııa tapsyrýǵa bolady. Kelesi úsh jyl ishinde ózgerister engizýge jol be­riledi. Al deklarasııany usyn­ba­ǵa­ny úshin ákimshilik jaýapkershilik qarastyrylǵan. Birinshi ret eskertý beriledi, ekinshi ret salyq salýshylar deklarasııany usynbaǵany úshin 15 AEK, buǵan qosa salyq salý obektilerin jasyrý kezinde tó­lenbegen salyqtar somasynyń 200 paıyzy mólsherinde jáne eger mun­daı buzýshylyq qaı­ta­lansa, 300 pa­ıyz mólsherinde aıyppul kózdelgen.

Elimiz sheginen tys jerde men­shik qu­qyǵynda múliktiń bolýy týra­ly aq­paratty jasyrǵan, sondaı-aq elimiz sheginen tys ornalasqan she­tel­dik bankterde aqshasy bar jeke tul­ǵa­lar 100 AEK mólsherinde aıyp­pul tóleıdi.

Deklarasııa qaǵaz túrinde 15 shil­de­den, elektrondy túrde 15 qyr­kú­ıek­­­ten keshiktirilmeı tapsy­rylýǵa tıis.