Bilim • 25 Tamyz, 2023

Mektepterdiń 90%-y ishki ister jedel basqarý ortalyqtaryna qosylǵan

181 ret

kórsetildi

1 mın

oqý úshin

Bul týraly Oqý-aǵartý mınıstrliginiń baspasóz qyzmeti málimdedi, dep jazady Egemen.kz.

Shyńǵys MUQAEV

Mektepterdiń 90%-y ishki ister jedel basqarý ortalyqtaryna qosylǵan

Foto: Oqý-aǵartý mınıstrligi. Instagram

Aıta ketsek, Oqý-aǵartý mınıstrligi balalardy zorlyq-zombylyqtan qorǵaý, sýısıdtiń aldyn alý jáne olardyń quqyqtary men ál-aýqatyn qamtamasyz etý jónindegi 2023-2025 jyldarǵa arnalǵan Keshendi jospardyń jobasyn ázirlegen. Ulttyq monıtorıng - balalardyń ál-aýqatynyń ındeksi engizilip otyr. Mektepterdiń psıhologııalyq turǵydaǵy qyzmetteriniń avtomattandyrylǵan júıesin iske qosý josparlanýda.

«Qaýipsizdikti qamtamasyz etý úshin bilim berý uıymdarynyń 90%-y ishki ister organdarynyń jedel basqarý ortalyqtaryna qosylǵan, lısenzııasy bar kúzetshilermen qamtamasyz etilgen, dabyl túımeleri ornatylǵan. Bul jumysty 100 paıyzǵa jetkizý kerek», dedi Oqý-aǵartý mınıstri Ǵanı Beısembaev.

Sondaı-aq arnaıy mektep avtobýstarynyń parki jańartylyp jatyr. Balalardyń qaýipsizdigin qamtamasyz etý úshin oqý úderisinde 27 myń balany tasymaldaý úshin 515 kólik satyp alynǵan.