Foto: kazchess.kz
Osyǵan oraı tamyz aıynyń 21-25 kúnderi aralyǵynda Astana, Shymkent qalalarynda jalpy bilim beretin mektep pedagogterine arnalǵan «Shahmatty oqytý ádistemesi» atty kúndizgi oqytý semınarlary ótken. Oqytý Qazaqstandyq shahmat federasııasymen bastaýysh synyptardyń oqý baǵdarlamasyna shahmatty kezeń-kezeńimen engizý jónindegi pılottyq jobanyń sheńberinde (varıatıvtik komponent saǵattary esebinen) uıymdastyrylǵan.
Pılottyq jobaǵa Batys Qazaqstan, Qaraǵandy, Qyzylorda, Pavlodar oblystarynan jáne Astana, Almaty, Shymkent qalalarynan, ıaǵnı elimizdiń 7 aımaǵynan barlyǵy 42 mektep qatysty.
«2023-2024 oqý jylynda «Shahmat negizderi» oqý baǵdarlamasyn synaqtan ótkizý josparlanýda. Pılottyq joba aıasynda 42 mektep qazaq tilinde oqytatyn birinshi synyptardyń birinde tańdaý boıynsha osyndaı kýrsty engizedi dep kútilýde. Qazir birinshi synyp oqýshylaryna arnalǵan kýrsty oqytýmen aınalysatyn muǵalimder qajetti oqytýdan ótýde. Biz osy baǵdarlamany engizýden jaqsy nátıje kútemiz. О́ıtkeni, shahmattyń balalyq shaqtaǵy ıntellekttiń damýyna oń áseri burynnan ǵylymı dáleldengen», dedi dárisker Oljas Menǵalı.
Pılottyq joba «Freedom Broker» kompanııasy – QShF bas seriktesiniń qoldaýymen «Shahmatty damytýdyń 2023-2027 jyldarǵa arnalǵan keshendi jospary» aıasynda júzege asyrylyp jatyr.
