«Biz búgin Konstıtýsııa kúnine oraı arnaıy jınaldyq. Bul – elimiz úshin aıryqsha mańyzdy mereke. Ata zańymyz – memlekettigimizdiń tuǵyry berik bolýyn qamtamasyz etetin eń basty qujat. Onyń árbir tarmaǵy múltiksiz oryndalsa ǵana ádildik pen zań ústemdigi ornyǵady.
Barshańyzǵa málim, byltyrǵy referendýmda halyq aýqymdy konstıtýsııalyq reformaǵa qoldaý kórsetti. Ata zańǵa mańyzdy ózgerister men tolyqtyrýlar engizildi. Sonyń bári memleket basqarý modelin jańǵyrtýǵa negiz boldy.
Reforma jasaý kezinde eń aldymen quqyq qorǵaý salasyna basa mán berildi. Konstıtýsııalyq Sot quryldy. Ombýdsmen ınstıtýty jáne prokýratýra organdarynyń mártebesi artty. Bir sózben aıtqanda, azamattardyń quqyqtaryn qorǵaý júıesi aıtarlyqtaı nyǵaıa tústi. Reformanyń naqty nátıjesi bar», dedi Prezıdent adam quqyqtaryn qorǵaý júıesiniń ókilderimen kezdesý barysynda.
