Foto: pixabay
«Atom energetıkasyn damytý asa mańyzdy ekonomıkalyq jáne saıası máselege aınaldy. Atom elektr stansııasyn salý qajet pe, joq pa degen saýalǵa qatysty túrli pikir bar ekenin bilesizder. Qazaqstan – álemdegi eń iri ýran óndirýshi memleket. Endeshe óz jerimizde atom stansııasyn salýǵa ábden qaqymyz bar», dedi Qasym-Jomart Kemeluly.
Dese de, keıbir sarapshylar shaǵyn ıadrolyq stansııalar salý kerek degen pikir aıtady. Alaıda kóptegen azamat pen birqatar sarapshylar ıadrolyq stansııanyń qaýipsizdigine kúmánmen qaraıtyny belgili. Bul rette Memleket basshysy Semeı polıgonyn mysal retinde keltirdi.
«Semeı polıgony halqymyzǵa qanshama qasiret ákelgenin eskersek, olardyń kúdigin túsinýge bolady. Sondyqtan bul másele boıynsha qoǵamdyq tyńdaýlardy, egjeı-tegjeıli, keń aýqymdy talqylaýlardy jalǵastyrýymyz kerek. Biz mańyzdy strategııalyq máselelerge qatysty túpki sheshimdi referendým arqyly qabyldaýymyz qajet. Bul – 2019 jyly saılaý aldynda meniń halyqqa bergen ýádem. Atom elektr stansııasyn salý nemese salmaý máselesi – bul elimizdiń bolashaǵyna qatysty asa mańyzdy másele. Sondyqtan ony jalpyulttyq referendým arqyly sheshken jón dep sanaımyn. Naqty merzimin keıin anyqtaımyz», dep naqtylady Prezıdent.
