Sýrette: kýrsanttardyń ant qabyldaý sátteri
Shekarashy bolýdy armandap, akademııaǵa oqýǵa túsken 300-ge jýyq kýrsant Shekara akademııasyna qarasty dalalyq oqýdy qamtamasyz etý basqarmasynyń saptyq alańynda sap túzep, áskerı ant qabyldady. Saltanatty is-sharaǵa UQK tóraǵasynyń orynbasary, general-maıor Marat Qalqabaev pen akademııa bastyǵy, polkovnık Pavel Polıvanov, jergilikti basqarý organdarynyń ókilderimen qatar, elimizdiń ár aımaǵynan kelgen kýrsanttardyń ata-analary qatysty.
Shekara shebinde qaltqysyz qyzmet etýdi maqsat etken kýrsanttardyń kóńil tolqytar is-sharasy akademııanyń tárbıelik, áleýmettik-quqyqtyq jáne ıdeologııalyq basqarmasynyń bastyǵy, polkovnık A.Álıevtiń akademııa bastyǵyna baıandaýymen bastaldy. Áskerı tártipke saı komandır kýrsanttarmen sálemdesip, elimizdiń Memlekettik týynyń kóterilýine jáne tý ustaýshy toptyń sap ortasyna adym basýyna pármen berdi. Budan soń belgilengen tártip boıynsha eki qatarǵa sap túzegen kýrsanttar Otan aldynda adal qyzmet etýge ant qabyldaý rásimin bastap ketti.
Osy kúni áskerı ant qabyldaǵan shekarashy kýrsanttarmen birge Ulttyq qaýipsizdik komıteti akademııasyna oqýǵa túsken 50 kýrsant ta qoldaryna qarý alyp, Otanǵa qaltqysyz qyzmet etýge ant qabyldady.
Osydan eki aı buryn Shekara qyzmeti akademııasyna qabyldanǵan jas sarbazdar akademııanyń medısınalyq jáne psıhologııalyq tekserýinen, dene shynyqtyrý daıyndyǵynan normatıvter tapsyryp, keshendi testileýden turatyn konkýrstyq irikteýden ótken. Sonymen qatar, osy ýaqyt aralyǵynda shekara qyzmetinde qoldanylatyn qarý-jaraq jáne tehnıka túrlerimen tanysqan. Qysqa merzim ishinde shekara qyzmetiniń qyr-syrynan habardar bolǵan jas sarbazdar aldaǵy oqý jylyna tastúıin daıyn ekendikterin aıqyn ańǵartty.
Kýrsanttar ómirindegi mańyzdy is-sharada alǵash bop sóz alǵan UQK tóraǵasynyń orynbasary, general-maıor Marat Qalqabaev ant qabyldaýdyń úlken jaýapkershilik ekenine toqtala kelip, áskerı shen taqqan árbir azamat adamı qasıeti, jalyndaǵan namys-jigeri, kásibıligi, bilimdiligimen erekshelenip turatynyn atap aıtty.
Akademııaǵa oqýǵa túsken bolashaq ofıserlerdiń ata-analary men jaqyndary da tarıhı sáttiń kýási bolyp, ózderiniń júrekjardy lebizderin bildirdi. Zapastaǵy general-maıor Seıtjan Meldebekuly sarbazdarǵa sáttilik tilep, aq batasyn berdi.
«Shekarashy bolý – meniń eń úlken armanym edi. Armanym oryndaldy. Endi oqýdy jaqsy oqyp, Otanyma adal qyzmet etýge, el irgesin berik kúzetýge sert beremin», dep kýrsanttar atynan sóz alǵan Elaman Nárikbaı qarýlastaryn antyna adal bolýǵa shaqyrdy.
Almaty oblysy
