Foto: https://senate.parlam.kz/
Depýtat salynbaǵan sý quryby, Jylý elektr ortalyǵynyń maýsymǵa daıyn bolmaýy, apattyq úıler, tozyǵy jetken ınjenerlik jeli men jol ınfraqurylymy, ekologııa máselesi, sapaly aýyz sýdyń tapshylyǵy syndy máselelerdi kóterdi.
Prezıdent Qasym-Jomart Toqaev «Ádiletti Qazaqstannyń ekonomıkalyq baǵdary» atty Qazaqstan halqyna Joldaýynda ómirlik mańyzdy ınfraqurylymdyq jobalardy iske asyrýǵa erekshe nazar aýdarǵanyn aıtqan depýtat Ulytaý oblysynda qordalanǵan másele ýaqytynda sheshilýi tıis ekenin qadap aıtty.
«Jezqazǵan qalasyn sýmen jabdyqtaıtyn Esqula sý qubyrynyń qurylysy 2021 jyly aıaqtalýy kerek edi, biraq 530 mıllıon qarajat ıgerilmegennen nysan tapsyrylmaı qaldy. Jobany aıaqtaýǵa osy jyly 427 mln teńge bólingen. Siz Ulytaý oblysynda saparda bolǵan kezde osy jyldyń maýsym aıynda kestege sáıkes nysandy tapsyrý týraly tapsyrma berdińiz. Alaıda búgingi kúnge deıin nysan paıdalanýǵa berilmegen, beıindi mınıstrlik tarapynan baqylaý bolǵan joq. Jańa Sý resýrstary jáne ırrıgasııa mınıstrligi qurylǵanyn eskersek, nysan bıyl berilmeı qala ma dep alańdaımyz. JEO-lardyń aldaǵy jylytý maýsymyna daıyndyǵy da kóńil kónshitpeı otyr. О́ńirge barǵan kezde biz osy nysandy aralap, jóndeý jumystarynyń oryndalý barysymen tanystyq. Biz sizdiń nazaryńyzdy kelesi máselelerge, negizgi energetıkalyq jabdyqtyń joǵary tozýyna aýdarǵymyz keledi. Stansııadaǵy qazandyq agregattarynyń ortasha tozýy 74%-dy, týrbınalardyń tozýy 63%-dy quraıdy, № 5, 6 jáne 7 týrboagregattar saıabaq resýrsyn birneshe ret uzartýmen paıdalanylady. № 8, 10 qazandyqtardy jańǵyrtý is júzinde júrgizilmeıdi. Negizgi jabdyqta kúrdeli jóndeýlerdiń artta qalýyna baılanysty aldaǵy jylytý maýsymynyń basynda negizgi jabdyqtyń barlyq quramynyń tolyq daıyn bolýy ekitalaı», degen senator Úkimet basshysynan jańa qurylǵan oblysqa qoldaý qajet ekenin jetkizdi.
