Volonterlerge de baqylaý kerek

Baıqasańyz, dúkenderde, kóp­shilik oryndarda sadaqa tastaıtyn jáshikter kezdesedi. Bolmasa, qoǵamdyq kólikterde aýyr naý­qasqa shaldyqqan balalarǵa dep qa­rajat jınap júrgen jastar al­dyńyzdan shyǵady. Júreginiń jylýyn joǵaltpaǵandar shamasy kelgenshe tıyn-tebenin qaldyrsa, keıbireýler ájepteýir soma salyp ketetinin de kórip júrmiz. Degenmen, osy qarajat dittegen jerine jete me? Baqaı esepsiz vo­lonter men alaıaqty qalaı ajy­­ratýǵa bolady? Bul suraqqa Al­­maty qalalyq óńirlik kommýnı­kasııa qyzmeti alańynda ótken brı­fıngte «Ulttyq volonterlik jelisi» ZTB atqarýshy dırektory Tatıana Mıronıýk jaýap berdi.

Bul saýal nege ózekti bolyp otyr? Almaty men óńirlerde vo­lonterlikti damytýdyń «2024-2027 jyldarǵa arnalǵan Jol kar­tasy» iske qosyldy. Al elimiz­de volonterlikti damytýdyń 2021-2023 jyldarǵa arnalǵan Jol kartasy aıaqtalyp keledi. En­digi jerde bul qujatqa jańa usy­nystar engizý qajet. Osy oraı­da «Ulttyq volonterlik je­li» ZTB quzyrly oryndardyń qol­daýymen «Birgemiz: áreket ýaqyty» volonterlik salasyn­daǵy is-sharalar keshenin uıymdas­tyrý» jobasyn iske asyrý ári vo­lonterlikti memlekettik tur­ǵyda qoldaý standartyn engizý maq­satynda 17 oblys pen respýblıkalyq mańyzy bar 3 qa­lada birqatar bastamany qolǵa alyp otyr.

«Volonterlik áreket – sózsiz adam­n­yń ómirlik tájirıbesin baıy­tady, jumysqa turǵan kezin­de de qaıyrymdylyq qyzmet­pen aınalysqanyńyz týraly túıindemeńizde jaza alasyz. Sol sııaqty volonterlik ıdeıasy mol adamdardy tabýǵa kómektesip, keıin olardyń kóbi ómirlik dosqa aınalýy da ǵajap emes. Taǵy bir múmkindigi – saıahat. Volonterlik jobalardyń arqasynda tek eli­mizde ǵana emes, shet elderge de sapar shegýge bolady», deıdi Ta­tıana Mıronıýk.

Brıfıngte jýrnalıster já­shik arqalaǵan jastar avtobýs­tar men qala kóshelerinde aýrý balalar­dy emdeýge dep aqsha jınaıtynyn mysalǵa keltire otyryp, erikti túrde naǵyz saýapty ispen aınalasyp júrgenderdi alaıaq­tardan qalaı ajyratýǵa bola­tyndyǵy týraly surady.

Bul máseleniń ózekti ekenin atap ótken Tatıana Mıronıýk: «Kó­bine mundaı adamdar zań­nyń úsh birdeı babyn buzady. Birinshiden, olar mun­daı aram isterine negizinen jasós­pirim­derdi jaldaıdy. Mundaıda keli­sim­shart­tyń durystyǵyna kóz jetkizý qajet. Ekinshi másele – «vo­lontermin» dep kóshedegi ótken-ketken adamdardyń aıaǵyna oratylyp, mazasyn alý da zańǵa qaıshy áreket. Bulardy jaqsylyq jasap júr dep aıtý qıyn. Kez kelgen adam qaıyrymdylyq úshin berip otyrǵan qarajatynyń qaı­­da, kimge beriletinin qadaǵa­laı almaıdy. Sondyqtan qaıy­rym­dylyq jasaǵan ár adam mun­daı ispen aınalysyp otyrǵan uıym qyzmetiniń ashyq­ty­ǵyn, amanatqa qııanat jasamaı­tyn­dyǵyn da bile almaıtynyn túsin­gen jón», deıdi.

Spıker «Volonterlik» pen «Qaıyrymdylyq qyzmeti» týra­ly arnaýly zańdarda volon­terlik pen qaıyrymdylyq degen sózderge naqty anyqtama berilgenin, son­dyqtan jınalǵan qarajat úshin el aldynda ashyq esep berilýi kerektigin atap ótti.

Degenmen volonterlikpen aınalysyp júrgen jastardyń arqasynda qalada talaı aýqymdy jumys atqarylyp, elimizdiń, megapolıstiń ımıdjin arttyrýǵa da septigin tıgizip júrgenderi az emes. Mysaly, qaıta oralǵan «Azııa daýysy» festıvali ke­zinde eriktiler sheteldik qo­naq­­t­arǵa, týrısterge barynsha kó­mektesip, baǵyt-baǵdar siltep otyr­d­y. Almatylyq volonterler bıyl mamyr aıynda ótken Ha­lyqaralyq eriktiler forýmyn uıymdastyrýǵa da belsene aralas­ty. Oraıy kelgende aıta keteıik, megapolıste 30-dan astam volonterler uıymy men toby jumys isteıdi, olardyń quramynda 50 myńnan astam adam bar. Qalalyq jastardy áleýmettendirý jáne jastar bastamalaryn qoldaý bólimi basshysynyń mindetin atqarýshy Nursultan Bekqaıyrov Almaty jastary volonterlik bastamalarǵa belsendi túrde qatysatyndyǵyn aıtady. My­sa­ly, volonterlerdiń qazirgi keńse­s­iniń arqasynda birneshe joba qolǵa alynǵan. Olardyń ishindegi eń irisi – «Tilder saıabaǵy». Jo­ba aıasynda qalanyń 8 aýdanyn­da qazaq jáne shet tilderin oqy­tý boıynsha tegin sabaqtar ót­ki­ziledi. Bilim berý taza aýada, qala­nyń saıabaqtary men skver­leriniń aýmaǵynda beıresmı jaǵdaıda ótedi.

Jyl basynan beri almatylyq eriktiler 450-den asa is-sharaǵa atsalysqan eken. Máselen, qala volonterleri Abaı oblysynda alapat órtten zardap shekkenderge 50 tonnaǵa jýyq gýmanıtarlyq kómek jınap berdi.

ALMATY