Foto: inbusiness.kz
Prokýratýra organdary 11 jekemenshik JEO-da jylý-energetıka jáne tabıǵı monopolııalar salasyndaǵy zańnamanyń saqtalýyna tekserý júrgizdi. Tekserý barysynda keıbir nysanda júıeli kemshilikter men zań buzýshylyqtar anyqtaldy. Ár stansııada qondyrǵylardyń ábden tozyǵy shyqqan, bul jylý berý maýsymynda apattarǵa ákelýi múmkin.
Talqylaý qorytyndysy boıynsha ýákiletti organdarǵa stansııalarda kúrdeli jóndeý men modernızasııalaýdy qamtamasyz etý boıynsha menshik ıelerimen jumys jasaý tapsyryldy. Úkimet basshysy 2023-2024 jyldarǵa arnalǵan naqty jumys kestesin belgilep, onyń oryndalýyn baqylaýdy talap etti. Mindettemeler buzylǵan jaǵdaıda stansııalardy memleket menshigine qaıtarý sharalary qabyldanatyn bolady.
Sondaı-aq komıssııa otyrysynda elimizdiń iri ónerkásip kásiporyndaryn gazben qamtamasyz etý salasyndaǵy tıimsiz monopolıst deldaldardy joıý máselesi de talqylandy. Tıisti ınfraqurylymy bar bul kompanııalardaǵy memlekettik úlester kezinde arzandatylǵan baǵamen jeke qolǵa ótken. Nátıjesinde bul gaz tasymaldaý naryǵynyń monopolııalanýyna jáne qyzmet kórsetý tarıfteriniń kóterilýine alyp keldi.
Álıhan Smaıylov ýákiletti vedomstvolarǵa osy aktıvterdi QR zańnamasynyń talaptaryna saı memleket menshigine qaıtarý máselesin jedel pysyqtaýdy tapsyrdy.
