Foto:https://web.telegram.org/
«Qoldaý sharalaryna ıe bolǵandardyń biryńǵaı ashyq reestrin qurý máselesin pysyqtaý qajet. Bul biryńǵaı aqparattyq júıede barlyq málimet jınaqtalady. Bul kásiporyndardyń az bóligine ǵana qarjynyń shamadan tys bólinýin boldyrmaýǵa, sondaı-aq memlekettik kómektiń tıimdiligin obektıvti ári jedel baǵalaýǵa múmkindik beredi. Bul rette qoldaý sharalarynyń tıimdiligin tólengen salyq kólemin ulǵaıtý, jańa sapaly jumys oryndaryn ashý jáne ónimniń el ishindegi qundylyǵyn arttyrý, eksporttyq áleýetti damytý negizinde baǵalaý qajet. Memlekettik qoldaý sharalaryn avtomattandyrý jáne onyń tıimdiligin baǵalaýdyń shynaıylyǵyn qamtamasyz etý úshin Úkimet sıfrlyq tehnologııalardy belsendi túrde engizip, sheshim qabyldaý prosesterin avtomattandyrýy qajet», dedi Prezıdent.
Sonymen qatar Memleket basshysy Ulttyq kásipkerler palatasynyń qyzmetine qatysty máselelerge aıryqsha toqtaldy.
«Onyń negizgi mindeti – bıznes pen memleket arasyndaǵy tıimdi dıalogtyń negizgi ózegi bolý. Palatany transformasııalaý, ony korporatıvtik basqarý sapasyn aıtarlyqtaı arttyrý qajet. Palata kásipkerlerdiń ortaq pikirin tolyq jetkizip, áleýmettik-ekonomıkalyq reformalardy ilgeriletetin uıym bolýǵa tıis», dedi Memleket basshysy.
