Azııany ilgeriletetin bastama

Aıta keterligi, Qazaqstan 2020 jyldan beri AО́SShK-niń tóra­ǵa­sy mindetin atqaryp keledi. Jıyn barysynda AО́SShK Bas hat­shysy, elshi Qaırat Sarybaı AО́SShK-niń qyzmeti týraly baıan­dama jasaıdy. Jospar boıynsha, Mınıstrler keńesi uıymdy ny­ǵaıtýǵa jáne Azııanyń jańa ja­han­dyq róline beıimdeýge baǵyt­tal­ǵan reformalardyń segiz naqty baǵy­tyn kórsetetin AО́SShK Trans­for­masııasynyń jol kartasyn be­kitedi. Birtindep transformasııa­laý úderisi 2022 jyly qazanda Astanada, Qazaqstannyń 1992 jyly BUU qabyrǵasynda uıymdy qurý bastamasyna 30 jyl tolý mereıtoıy qurmetine oraılastyra uıym­das­tyrylǵan AО́SShK altynshy sammıtinde bastalǵan-dy.

Jol kartasy uıym jarǵysyn ázirleý, yntymaqtastyqtyń jańa baǵyttaryn izdeý sekildi ashyq jáne tolyq emes tizbesi bar transformasııa úderisiniń qurylymdyq kún tártibi men jetekshi qujaty retinde qyzmet etedi. Sondaı-aq AО́SShK, bıýdjet jáne kadr reformasy jáne basqa da taqyryptar qamtylady.

Sondaı-aq mınıstrler AО́SShK-niń azamattardy, ásirese jastar ara­synda volonterlik qyzmetke bel­sendi qatysýyn qoldaý jáne yn­ta­landyrý boıyn­sha múldem jańa baǵytqa kúshti saıası serpin beretin volon­terlik qyzmetti il­geriletý týraly málimdemeni qa­byl­daıdy.

Mınıstrler keńesiniń músheleri AО́SShK-niń odan ári ınstıtýsıonaldy damýynyń perspektıvalary týraly pikir almasady. Uıymdy trans­formasııalaý boıynsha alǵash­qy praktıkalyq qadamdarǵa egjeı-tegjeı toqtalady. Sondaı-aq aǵym­­daǵy kún tártibindegi basqa da ma­­ńyz­dy máseleler talqylanbaq.

Mınıstrler keńesi sammıtten keıingi AО́SShK-niń ekinshi joǵary basqarý organy sanalady. Keńes sammıt sheshimderin iske asyrýǵa, AО́SShK-niń aǵymdaǵy qyzmetin jáne AО́SShK aǵa sheneýnikterdiń komıteti oǵan engizgen barlyq máse­le­lerdi qaraýǵa jaýapty. Túrli deńgeıdegi konsýltasııalar jáne AО́SShK kún tártibindegi negizgi máse­leler boıynsha sheshimder qa­byl­daıdy.