Qarjy vıse-mınıstriniń aıtýynsha, 2024 jylǵa túsimder 20,4 trln teńge deńgeıinde boljanyp otyr. Atalǵan qarajat áleýmettik mańyzdy jáne strategııalyq ınfraqurylymdyq jobalardy qarjylandyrýǵa baǵyttalatyn bolady.
– Bul – avtomobıl joldaryn, jylý, gaz jáne sýmen jabdyqtaý jelilerin, ınjenerlik jelilerdi jańǵyrtý, sondaı-aq «Jaıly mektep», «Aýylda densaýlyq saqtaýdy jańǵyrtý» ulttyq jobalary aıasynda birqatar áleýmettik nysan salý, – dedi A.Beısenbekuly.
Bıýdjet shyǵystary 2023 jylmen salystyrǵanda 1,5 trln teńgege ulǵaıyp, shamamen 24 trln teńgeni quraıdy. Onyń 40 paıyzdan astamy áleýmettik salaǵa tıesili. 2024 jylǵa áleýmettik tólemderge arnalǵan shyǵystar 5,3 trln teńge, halyqtyń tabysyn arttyrý baǵdarlamasyn iske asyrý úshin 2024 jyly 3,5 trln teńge kózdelgen.
Otyrys barysynda depýtattar birqatar ózekti máseleni kóterip, suraqtaryn qoıdy.
* * *
Májiliste Qarjy jáne bıýdjet komıtetiniń tóraǵasy Mádı Tákıevtiń jetekshiligimen «Qazaqstan Respýblıkasynyń Ulttyq qorynan 2024-2026 jyldarǵa arnalǵan kepildendirilgen transfert týraly» zań jobasy tanystyryldy.
Zań jobasy boıynsha Ulttyq ekonomıka vıse-mınıstri Azamat Ámrın baıandama jasady. Ol kepildik berilgen transfert mólsheri 2024 jyly barreline 43,4 dollar, odan keıingi jyldary barreline 40,2- 41,8 dollardy quraıtyn bıýdjettik erejelerge sáıkes kesimdi baǵamen anyqtalatynyn atap ótti.
– Ulttyq qordan kepildendirilgen transfert jyl saıyn 2 trln tenge mólsherinde aıqyndaldy. Sondaı-aq Ulttyq qor parametrlerinde 2024 jylǵy 1 qańtardan bastap iske asyrylatyn «Ulttyq qor balalarǵa» jańa áleýmettik baǵdarlamasy boıynsha balalarǵa tólemder mindettemeleri eskerildi, – dedi A.Ámrın.
Ulttyq qordyń valıýtalyq aktıvteri 2024 jyly 68 mlrd dollar, 2025-2026 jyldary 80,7-93,3 mlrd dollar deńgeıinde boljanyp otyr.
Osy zań jobasy boıynsha jumys tobyna Qarjy jáne bıýdjet komıtetiniń múshesi Marhabat Jaıymbetov jetekshilik etedi. Otyrys barysynda aıtylǵan usynys-pikirler odan ári talqylanyp, qarastyrylady.
