Koreıa Respýblıkasy Ishki ister jáne qaýipsizdik mınıstrligi (MOIS) Sıfrlyq úkimet mınıstriniń orynbasary Sýh Boram, is-sharany asha otyryp, Koreıa Úkimeti 2021 jyldan bastap BUUDB jáne Habpen yntymaqtastyqta Ortalyq Azııa jáne Kavkaz elderimen sıfrlyq memleketti basqarý jáne memlekettik qyzmet kórsetý salasyndaǵy ozyq keısterdi birlesken joba arqyly belsendi túrde bólisip jatqanyn atap ótti. Sonymen qatar Sýh myrza Hab jáne onyń qatysýshy elderdiń memlekettik basqarý jáne memlekettik qyzmetter kórsetý salasyndaǵy ınnovasııalar men sıfrlandyrý salasyndaǵy áleýetti arttyrýdaǵy belsendi kúsh-jigerlerin joǵary baǵalady.
Ulttyq aqparattyq qoǵam agenttiginiń (NIA) Prezıdenti Djong-Sýng Hvan sandyq úkimetti transformasııalaý, ásirese memlekettik sektordy derekter negizindegi basqarýǵa kóshirý jáne memlekettik sıfrlyq platforma qurý boıynsha yntymaqtastyq pen ozyq tájirıbeler jáne ádis-tásildermen almasýdyń mańyzdylyǵyn atap ótti. Ol sondaı-aq NIA-nyń BUUDB jáne Habpen yntymaqtastyqty jalǵastyrýǵa daıyn ekendigin málimdedi.
Sıfrlyq damý, ınnovasııalar jáne aeroǵarysh ónerkásibi mınıstrliginiń Memlekettik qyzmetter kórsetý komıteti tóraǵasynyń orynbasary Aınur Iýsýpova men Astana memlekettik qyzmet haby joba menedjeri Baqyt Jeksembaı óz sózderinde tıimdi sheshimder ázirlep, negizdelgen sheshimder qabyldaýda jetekshi el – Koreıa Respýblıkasy Úkimetiniń, sondaı-aq aımaq elderiniń ozyq tájirıbesin zerdelep, olardan sabaq alýda osy jobanyń aıryqsha mańyzdylyǵyn atap ótti.
Úsh kúndik is-shara baǵdarlamasy aýqymynda «Koreıanyń sıfrlyq transformasııa tájirıbesi» taqyrybynda semınar ótip, Seýl, Sedjon, Pange, Tedjon, Inchhon qalalaryndaǵy memlekettik organdarǵa oqý sapary uıymdastyryldy. Memlekettik qyzmetkerler men praktıkter sıfrlyq proaktıvti memlekettik qyzmetter, sıfrlyq sáıkestendirý júıeleri, derekterdi basqarý jáne taldaý ádisteri, sıfrlyq úkimet platformasyna kóshý strategııasy, sondaı-aq smart qalalar úshin ınnovasııalyq sheshimder salasyndaǵy tabystardy zertteýge biregeı múmkindik aldy. Qatysýshylar sondaı-aq óz elderiniń tájirıbeleri, jetistikteri men ınnovasııalarymen tanystyryp, yntymaqtastyq perspektıvalaryn talqylady.
Bul is-shara Astana memlekettik qyzmet haby, BUU Damý baǵdarlamasy (BUUDB), Koreıa Respýblıkasy Ishki ister jáne qaýipsizdik mınıstrligi (MOIS) jáne Ulttyq aqparat qoǵamy agenttiginiń (NIA) Koreıa úkimeti qarjylandyratyn birlesken jobasy aıasynda uıymdastyryldy.
