Jármeńkede qaladaǵy 24 mekeme 360-qa jýyq jumys ornyn usyndy. Árıne, árkimniń óz tańdaýy bar. Usynylǵan jumys kóptiń kóńilinen shyǵa bermeıtini de ras. Jármeńke qorytyndysynda 19 adam turaqty jumys ornyn tapty. 12 adam jumyssyzdyq jaǵdaıy boıynsha tirkeýge alyndy. 15 adam jumys oryndaryna baryp, naqty tanysýǵa nıet bildirdi.
– Aýa raıynyń qolaıly sátin paıdalanyp, jármeńkeni ashyq alańda ótkizgenimiz durys bolypty. Qyzyǵýshylyq tanytqandar kóp. Bir jaǵy kópshilik án-kúı tyńdap, kóńilin kóterip, bir serpilip qaldy. Mundaı jobany aldaǵy ýaqytta odan ári jalǵastyramyz, – deıdi Jezqazǵan qalasy ákiminiń orynbasary Baqytjan Jaılaýbaev.
Jármeńke barysynda jumys taýyp, alǵash eńbek jolyn bastaıtyn jastarǵa eńbek kitapshalary saltanatty túrde tabystalyp, estelik syılyqtar tapsyryldy.
Ulytaý oblysy,
Jezqazǵan qalasy
