Foto: https://polisia.kz/
Ulan aýdanyndaǵy sharýa qojalyq ıesi jaıylymdaǵy 54 jas jylqysynan kóz jazyp qalǵany týraly aýdandyq polısııa bólimine aryzdanǵan. Jylqysynyń ishinde bir bıeniń moınynda GPS trekeri bolǵanyn aıtqan. Arnaıy qurylǵy GPS treker ajyratylǵanyn anyqtaǵan. Tártip saqshylary dereý izdeý jumystaryna kirisip, tikushaq jáne dron arqyly aýmaqty baqylaýǵa aldy.
«Jedel-tergeý sharalarynyń nátıjesinde GPS trekeri bar bıeni atyp óltirgen Abaı oblysynyń buryn sottalǵan 46 jastaǵy turǵyny anyqtaldy. Kúdikti turatyn úıdi tekserý jáne tintý júrgizý kezinde quqyq qorǵaý organdary mal qorasynan zattaı dáleldemelerdi tárkiledi. Atalǵan fakti boıynsha ShQO PD QR QK-niń 188-1-baby 4-bóligi (Mal urlaý) boıynsha sotqa deıingi tergeý bastady. Qazirgi ýaqytta sot saraptamalary taǵaıyndaldy, tergeý is-sharalary júrgizilip jatyr», dep jazylǵan habarlamada.
