Foto: liter.kz
«Qurmetti Ulttyq Olımpıada komıtetiniń ujymy! Barshańyzdy Qazaqstan Respýblıkasy Ulttyq Olımpıada komıtetiniń qurylǵanyna 30 jyl tolýymen shyn júrekten quttyqtaımyn! Bul – elimizde erekshe orny bar uıym. Sizder olımpıada qundylyqtaryn dáriptep, óskeleń urpaqty sportqa baýlýǵa jáne halyqaralyq uıymdarmen yntymaqtastyqty nyǵaıtýǵa zor úles qosyp kelesizder. Sonyń nátıjesinde órenderimiz talaı baıraqty básekede tabysty óner kórsetip júr. Olar Olımpıada oıyndarynan, álem birinshilikterinen jáne Azııa chempıonattarynan el qorjynyna júzdegen júlde saldy. Sańlaqtarymyzdyń esimi álemdik sport jylnamasyna altyn árippen jazyldy.
Elimiz qysqy Azııa oıyndaryn, Búkilálemdik ýnıversıadany, álem jáne qurlyq chempıonattaryn joǵary deńgeıde ótkizip, jahan jurtshylyǵynyń laıyqty baǵasyn aldy. Memleket olımpıada qozǵalysyn damytýǵa árdaıym basa nazar aýdarady. Biz Halyqaralyq olımpıada komıtetimen jáne basqa da bedeldi uıymdarmen yqpaldastyqty nyǵaıta beremiz», delingen quttyqtaýda.
Memleket basshysy sportshylarymyzǵa dodalarda baıraǵymyzdy bıikte jelbiretýge tileýlestik bildirdi.
