Memleket basshysynyń pikirinshe, barshaǵa ortaq ornyqty bolashaqqa qol jetkizý úshin shuǵyl túrde birlesken is-qımyldar qajet
Osyǵan baılanysty Memleket basshysy birqatar usynys aıtty.
«О́zara yntymaqtastyqty nyǵaıtý úshin aımaqtyq deńgeıde «Birtutas BUU» qaǵıdatyn kúsheıtý qajet. Sondyqtan biz Qazaqstanda Ortalyq Azııa men Aýǵanstan úshin Ornyqty damý maqsattary jónindegi Aımaqtyq hab qurýdy usynamyz. Ol BUU-nyń aımaqtaǵy jobalyq qyzmetin tıimdi úılestirýdi qamtamasyz etedi», dedi Qasym-Jomart Toqaev.
Prezıdent sammıtke qatysýshylarǵa halyqaralyq qarjy arhıtektýrasyna tyń serpin berýdi usyndy. Onyń aıtýynsha, ODM-ǵa qol jetkizý úshin qarjy júıesi tańdaýly ǵana elge emes, barlyq memleketke teńdeı yqpal etýi qajet. Ekologııa, bilim berý jáne densaýlyq saqtaý salalaryndaǵy problemalardy sheshý úshin orasan zor qarjy kerek.
Qasym-Jomart Toqaev klımat, azyq-túlik jáne energetıka daǵdarysy ornyqty damýǵa aıtarlyqtaı qaýip tóndiretinine toqtaldy.
«Biz BUU-nyń basshylyǵymen tehnıkalyq qoldaý, ǵylymı zertteýler jáne qaýip-qaterlerdi baǵalaý salalaryndaǵy halyqaralyq yntymaqtastyqty nyǵaıtýǵa tıispiz. Ornyqty damý salasyndaǵy maqsattar bárimiz úshin jarqyn álemge jol ashady. Biz birigýimiz jáne kúsh-jigerimizdi arttyrýymyz qajet. Qazaqstan BUU-nyń ornyqty damý salasyndaǵy tegeýrindi ári tıimdi rólin árdaıym jaqtaıdy», dedi Prezıdent.
