«Aksııanyń maqsaty – qoǵamnyń kózqarasyn ózgertý, tabıǵatty aıalaý, jastarǵa qorshaǵan ortany qorǵaý jáne ony lastamaý mádenıetin qalyptastyrý», degen aýdandyq jastar resýrstyq ortalyǵynyń jetekshisi Jánibek Aıqojaev kózge oǵash qoqystyń joqtyǵyn, sondyqtan jer túbinen keletin týrıster úshin uıalmaýǵa bolatyndyǵyn atap ótti.
«Mundaı ıgi is-shara kisi qarasy kóp bazarlar men oıyn alańdary, qoǵamdyq oryndarda jıi ótkizilip tursa, ár adamnyń qorshaǵan ortany qadirlep, tazalyq saqtaýyna túrtki bolady», deıdi ortalyq jetekshisi.
Respýblıkalyq aksııa aıasynda bastalǵan aýmaqtardy tazartý senbiligi óńirdiń barlyq aýdanynda joǵary deńgeıde uıymdastyrylyp, óńir jastary belsendilik tanytty.
Ekologııalyq aksııaǵa Almaty oblysy jáne Sharyn shatqaly boıynsha 3144 adam qatysty. Onyń ishinde myńǵa jýyǵy memlekettik qyzmetker bolsa, 1166 volontar men 1130-y – eldi meken turǵyny. Bir kún ishinde ekoaksııa kezinde 1039 tonna qoqys jınalyp, shyǵaryldy.
Almaty oblysy
