Bas prokýratýra usynǵan derekke sáıkes, Ulttyq qaýipsizdik komıteti tóraǵasynyń burynǵy birinshi orynbasary Samat Ábishke qatysty «qańtar oqıǵasy» kezinde bılik pen laýazymdyq ókilettikterdi asyra paıdalaný faktisi boıynsha sotqa deıingi tergep-tekserý júrgizilip jatyr.
«QR QPK-niń 201-babyna sáıkes tergeý múddesinde sotqa deıingi tergep-tekserýdiń ózge de derekteri jarııa etýge jatpaıdy», delingen habarlamada.
Tergeý qorytyndysy boıynsha zańdy is júrgizý sheshimi qabyldanatyn bolady.
Bul aqparatty Bas prokýratýranyń resmı ókili Darhan Dúısembaı rastady.
«Samat Ábish Qazaqstanda. Onyń elden ketpeý týraly qolhaty bar. Qazir tergeý amaldary júrgizilip jatyr», dedi ol.
