ASTANA – ELIMIZ О́RKENDEÝINIŃ SIMVOLY

“Nur Otan” HDP Parlamentarızm ınstıtýtynyń bastamasymen “Astana – damýshy eýrazııalyq yqpaldastyqtyń nyshany” taqyrybyna arnalǵan dóńgelek ústel ótkizdi. Onda eýrazııalyq yqpaldastyqtyń ortalyǵy, Qazaqstannyń gúldenýiniń sımvoly retinde Astanany qalyptastyrý jáne alǵa jyljytý, elordany nasıhattaý máseleleri qaraldy. Astana búgin Qazaqstan úshin bolashaqqa talpynýdyń sımvoly, tańdaǵan strategııalyq jospar­la­rymyzdyń tıimdiliginiń sımvoly. Astana – bul eldiń tabysty túr­de damýynyń jarqyn mysaly, dedi sharaǵa qatysýshylar. Memleket basshysy N.Á.Na­zarbaev: “Astananyń tarıhy – bul bizdiń táýelsizdigimizdiń ta­rıhy degen bolatyn”. Astana – qazaqstan­dyq­tardyń birigýi men áleýmettik yq­pal­dasýynyń sım­voly. Respýb­lı­ka­nyń barlyq etnostary men kon­fes­sııalary ókilderiniń beıbit ómir sú­rýi men ózara qurmeti bizdiń elimiz­diń je­tistigine aınaldy. Álemdik qo­­ǵam­dastyq egemendi Qazaq­stan­nyń osy damýǵa umtylysyna qur­met­pen qaraıdy. IýNESKO-nyń As­tanany “Beıbitshilik qalasy” dep tanyǵanynyń ústine, Qazaqstan­nyń serpindi damýshy eýrazııalyq memleket retinde halyqaralyq ımıd­jin qalyptastyrýdaǵy elor­danyń úlesi týraly álemdik dáre­je­degi saıasatkerler jıi málimdep júr. Atalǵan is-shara Astanany elimizdiń gúldenýiniń jarqyn beı­nesi retinde qalyptastyrý men alǵa jyljytýdyń ózekti máseleleri boıynsha qoǵamdyq dıalogty qamtamasyz etýge, Eýr­azııa­lyq odaq qurý týraly Elba­sy ıdeıasyn qoldaýǵa, eýrazııalyq yqpaldastyqtyń ortalyǵy retinde Astananyń beıbitshilik súı­gish jáne biriktirýshilik fýnk­sııalaryn ashýǵa, EQYU tóraǵasy retinde Qazaqstannyń bastamala­ryn alǵa jyljytýǵa arnaldy. Dóńgelek ústeldiń jumysyna Parlament depýtattary, memle­ket­tik organdardyń, máslıhat­tar­dyń, Qazaqstan halqy Assam­bleıa­synyń, saıası partııalardyń, halyqaralyq uıymdardyń, aza­mattyq qoǵam ınstıtýttarynyń ókilderi, ǵalymdar, sarapshylar, sondaı buqaralyq aqparat quraldarynyń ókilderi qatysty. “Egemen-aqparat”.