Sibirde salynǵan súgiret

Bul ózinshe bir bólek áńgime. Aıtpaǵymyz, taıaýda Qosta­naıǵa Ilııas Omarovtyń týysy Myrzataı Nurpeıisov kelgen edi. Qarııanyń qolynda biraz dúnıe bar eken, sonyń biri – Baýyrjan batyrdyń sýreti. Sýret Sibirde salynǵan.

– Baýyrjan Sibirde bolady ǵoı. Ol jaqqa dál ne maqsatpen barǵanyn anyq bilmeımin. Batyrdyń portretin kelisti etip salǵan sýretshi týraly da deregim joq. Sol sýretti fotoǵa túsirip, Ilııasqa jiberedi. Ilııas aǵamyzdyń úıinde jeke arhıvi bar. Sodan úlken qyzy Ingılsına ekeýmiz qarap otyryp taýyp alǵan dúnıe ǵoı. Bul fotosýret Baýyrjan men Ilııastyń tirshilikte syılasyp, bir-birin qadir tutyp ótkenin kórsetedi. Dańqty qolbasshynyń Ilııasqa degen qurmeti – bul. Baýyrjannyń «Áı, Ilııas, sen eń ýmnyı qazaqsyń ǵoı», degen sózi qalǵan. Mundaı joǵary baǵany ekiniń birine bere bermegen ol kisi. Ilııas aǵamnyń ekinshi qyzy – Almıra, balasy – «Qaırat» fýtbol klýbynyń ardageri, belgili komentator Dıas Omarov. Tamerlan degen balasy – tehnıka ǵylymdarynyń doktory. Olardyń bári ómirden ótip ketti, – dedi qarııa.

Baýyrjan Momyshuly Ilııas Omarovqa joldaǵan fotosýretiniń astyńǵy betine tóte jazýmen úsh aýyz óleń jazǵan eken. Myrzataı qarııa ony Ahmet jazýyn tanıtyn bir-eki qyz balaǵa oqytyp, kırıll qarpine túsirtip alypty. О́leń mazmuny bylaısha óriledi:

Ilııas,

Sibirde salynyp ed bul súgiret

Sibirdi kórgender – az, kórmegen – kóp,

Kórdim dep otyrǵam joq men ýaıym jep.

Menen buryn bolǵandar ertegideı,

Sorlapty ne tutqyn bop, ne pende bop.

Sibirdiń syr sandyqtaı syry da mol,

Tyńdasań, óte zarly muńy da mol.

Jazǵyturym jaınaǵan ashyq kúndeı,

Deneńdi jadyratar nury da mol.

Sibir syryn aıtady syrlasqanǵa,

Sibir muńyn shaǵady muńdasqanǵa.

Jel-boran surapylmen er tildeser,

О́mirdiń qyryn basyp ý tatqanda.

Myrzataı Nurpeıisov qazir Astanada Baýyrjan Momysh­uly dańǵylynyń boıynda turady. Qarııa óziniń kindik qany tamǵan Qaraobadan shyqqan Ilııas Omarov, Málik Fazylov, О́mirzaq Sultanǵazın syndy eleýli tulǵalarǵa oblys orta­lyǵy Qostanaıdyń tórinen kóshe aty berilse degen tilegin arqa­laı kelgen eken, sharýasy mandymaı, renjińkirep ketti.

Qostanaı oblysy