Toptyq kezeńde kósh bastady

Elıtaly kezeńniń alǵashqy týrynda Rýmynııa óz alańynda Ázer­baıjan quramasyn qabyldap, qarsylastaryn 3:1 esebimen tize búktirgen soń, týrnır kestesinde gol sanynyń kórsetkishi boıyn­sha Qazaqstan quramasynyń aldyn orap ketken edi. Biraq rý­my­nııalyq fýtzalshylardyń da, jan­kúıerlerdiń de toptyq saıysta tórge ozdyq degen qýanyshtary kópke sozylǵan joq. Almatydaǵy Balýan Sholaq sport saraıynda ótken tartysty oıynda Rıkardo Kaka shákirtteriniń baǵy janyp, qarsylastaryn týrnır kestesinde ekinshi orynǵa syr­ǵytty.

 Tórt myńǵa jýyq jankúıer tamashalaǵan Qazaqstan – Rýmy­nııa matchynyń birinshi taımynda jerlesterimiz qarsylastar qaq­pasyn tórt márte dál kózdep, sport keshenine jınalǵan jurt­tyń eńsesin kóterip tastady. Oıyn­nyń nebári ekinshi mınýtynda Dýglas Jýnıor ózi bastaǵan shabýyldy ádemi golmen túıindese, arada kóp ýaqyt ótpeı Albert Aq­balyqov mergendigimen kózge túsip, jankúıerlerdiń qoshemetine bólendi. Al básekeniń 16-mınýtynda Edson qarsylastyń eki birdeı qorǵaýshysyn qapy qaldyryp, Qazaqstan quramasynyń úshinshi golyn soqty. Birinshi taımnyń aıaqtalýyna sanaýly sekýndtar qalǵanda byltyrǵy Eýropa chem­pıonatynyń úzdik surmergeni atanǵan Birjan Orazov Edsonnyń pasynan keıin tablodaǵy kór­setkishti 4:0-ge jetkizdi. Alǵashqy 20 mınýtta qonaqtar sapynan Manıa Sabolıch mergendik tanytty.

Birinshi taımdaǵy basym­dyqtan keıin bizdiń jigitter ekin­shi taımdy asa saqtyqpen bas­­tap, shabýylǵa kóp shyǵa qoı­ǵan joq. О́ıtkeni tablodaǵy kór­setkish bizdiń qurama úshin qa­naǵat­tanarlyq nátıjeni kórsetip turǵan edi. Esesine Rýmynııa fýt­zal­shylary oıyn tizginin óz qol­daryna alýǵa tyrysyp, bel­sendi shabýyl uıymdastyra bastady. Alǵashqy 10 mınýtta qarsylastarymyz tynymsyz shabýyldarynan eshteńe ón­dire alǵan joq. Tek ekinshi taımnyń bel ortasynan asqanda ǵana Igıta qorǵaǵan qaqpadan sa­ńylaý taba bildi. 32-mınýtta Andre Lýı Sasse gol soqsa, 36-mınýtta Manıa dýbldiń avtory atandy. Qory­tyndy esep – 4:3. Osylaısha, el qu­ramasy toptyq kezeńdegi ekin­shi oıynynda da jeńiske jetip, alty upaımen A tobynda jeke-dara kósh bastady. Bir jeńis, bir jeńilisi bar Rýmynııa quramasy ekinshi orynǵa syrǵydy.

Al bizdiń topta qatar ótken ekin­­­shi matchta Ázerbaıjan ult­tyq qu­ramasy óz alańynda Nıder­land­­ty qabyldady. Bakýde ótken bá­se­kede alań qojaıyndary qarsy­las­taryna bet qaratqan joq – 6:1. Bul oıynda Ázerbaıjan sapynan Rafael Vı­lela men Fı­lıpıno dýbldiń avtory atansa, Gallo men Maneka bir-bir gol­men kózge tús­ti. Al Nıderland qu­ra­­masynyń jal­ǵyz golyn Ilıas Bý­zıt soqty.

Endi Rıkardo Kaka shákirtteri kelesi kezdesýin 6 qazan kúni syrt alańda Ázerbaıjan quramasymen ótkizse, bes kúnnen keıin ázerbaı­jan­dyq fýtzalshylardy óz ala­ńyn­da qabyldaıdy.

Elıtaly kezeńniń erejesi bo­ıyn­sha kelesi jylǵy álem chem­pıo­natynyń fınaldyq keze­ńine ár toptyń jeńimpazdary ti­keleı jol­dama alsa, ekinshi oryn alǵan eń úzdik tórt qurama qalǵan eki joldamany sarapqa salady. Irik­teý match­tary osy jyldyń jel­toqsan aıynda máresine jetse, elektik matchtar 2024 jyldyń 8-17 sáýir kúnderine jos­parlanǵan. Al О́zbekstannyń bas shahary – Tashkentte álem chempıonaty 16 qyrkúıek pen 6 qazan aralyǵynda uıymdastyrylady.