«Keńeste «orta derjavalardyń» jáne barlyq damýshy elderdiń úni kúsheıetinine, anyq estiletinine kámil senemin», dedi Qasym-Jomart Toqaev Nıý-Iorkte ótken BUU Bas Assambleıasynyń kezekti sessııasynda.
«Baıqaýymyzsha, Qaýipsizdik Keńesi tyǵyryqtan shyǵa almaıtyn sııaqty. Sondyqtan beıbitshilik pen qaýipsizdikti saqtaýda mańyzdy ról atqara alýy úshin onyń quramynda basqa elder, sonyń ishinde Qazaqstan da bolýy kerek», dedi ol.
Q.Toqaev keı memleketterdiń halyqaralyq quqyqtyń negizgi prınsıpterine saı áreket etpeýi men keıde ony buzýyna alańdaýshylyq bildirdi. Mundaı jaǵdaı saýda júıesin buzatynyn, ekonomıkanyń ózegi sanalatyn tasymal tizbegin álsiretetinin, sondaı-aq azyq-túlik qaýipsizdigine zardabyn tıgizip, ınflıasııanyń qarqynyn kúsheıtetinin atap ótti.
«О́skeleń urpaq ózderine mura bolyp qalatyn álemniń endi jaqsaratynyna senbeıdi. Sondyqtan Qazaqstan BUU Jarǵysynyń qaǵıdattaryna óziniń myzǵymas adal ekenin taǵy bir ret málimdeıdi», dedi Prezıdent.
Toqaev qabyldanyp jatqan barlyq sheshimge qaramastan, álemniń kóptegen aımaǵynda qaqtyǵystar jalǵasyp jatqanyna nazar aýdardy. Búkil tarapty BUU Jarǵysy men halyqaralyq quqyqtyń jalpyǵa birdeı normalaryn negizge ala otyryp, qaqtyǵystardy retteýdiń dıplomatııalyq jolyn izdeýge shaqyrdy.
«Dıalog – jańa prınsıpter men normalar boıynsha kelisimge qol jetkizýge múmkindik berip, qolaıly orta qalyptastyrýdyń jalǵyz joly», dedi ol.
Memleket basshysy COVID-19 pandemııasynyń aýyr saldary bolashaq bıologııalyq qaýip-qaterler aldynda dármensiz ekenimizdi kórsetip bergenine nazar aýdardy. Osyǵan baılanysty Qazaqstan Assambleıanyń Bas hatshysy men Tóraǵasyna Bıologııalyq qaýipsizdik jónindegi halyqaralyq agenttik qurý prosesin bastaý týraly úndeý tastady.
«Jýyrda qasıetti kitaptarǵa qurmetsizdik tanytý aktileri boldy. Biz osy jaǵdaıǵa alańdaýshylyq bildiremiz. Islamǵa jáne basqa da dinderge qatysty jasalǵan mundaı taǵylyq áreketterden erkindiktiń, sóz bostandyǵynyń jáne demokratııanyń nyshany bilinbeıdi. Quran sekildi qasıetti kitaptardyń bári vandalızmnen quqyqtyq turǵyda qorǵalýǵa tıis», dedi Q.Toqaev.
Qazaqstan Prezıdenti óz eliniń ulttyq múddesin kózdeı otyryp, ózekti halyqaralyq máselelerdi sheshýdiń únemi beıbit jolyn izdeıtin memleket ekenin atap ótti. «Táýelsizdik, aýmaqtyq tutastyq jáne egemendik – munyń bári halqymyz qazir de, keleshekte de basshylyqqa alatyn myzǵymas qaǵıdalar. Biz barlyq strategııalyq másele boıynsha negizgi odaqtastarymyzben qarym-qatynasymyzdy jalǵastyra beremiz», dedi ol.
Qazaqstan BUU Qaýipsizdik Keńesin reformalaýdy usyndy
Qazaqstan Prezıdenti Qasym-Jomart Toqaev BUU Bas Assambleıasynyń sessııasynda sóılegen sózinde Qaýipsizdik Keńesin reformalaýdy usyndy. Osylaısha, uıymda Qazaqstan sekildi memleketter mańyzdy ról atqara alatynyn jetkizdi.
Toqaev 78-sessııanyń ashylýynda sóılegen sózinde Qaýipsizdik Keńesine jan-jaqty reforma jasamaı, Ýkraınadaǵy soǵys sekildi qıyndyqtar eńserilmeıtinin málimdedi. Osy oraıda, veto quqyǵy bar memleketter – Reseı, Qytaı men AQSh arasyndaǵy alaýyzdyqtan uıym kedergige tap bolǵanyn nusqap otyr.
«Beıbitshilik pen qaýipsizdikti saqtaýda mańyzdy ról atqara alýy úshin onyń quramynda basqa elder, sonyń ishinde Qazaqstan da bolýy kerek», dedi Q.Toqaev.
Qazaqstan Prezıdenti álemniń ár bóliginde qaqtyǵys bolyp jatqanyn atap ótip, BUU Jarǵysy men halyqaralyq quqyqtyń jalpyǵa birdeı normalaryn negizge ala otyryp, qaqtyǵystardy retteýdiń dıplomatııalyq jolyn izdeýge shaqyrdy. «Osy oraıda Qazaqstan Ýkraına daǵdarysyn saıası retteýdi qoldaıtyn túrli memleketter men elder toptary usynǵan barlyq bastamalar men josparlardy joǵary baǵalaıdy. Halyqaralyq daýlardy sheshýde árqashan dıplomatııa men dıalog basshylyqqa alynýy kerek», dedi Q.Toqaev.
