«Eńbek joly» máresine jetti

Atalǵan forýmda taqyryptyq sessııa­lar uıymdastyryldy. Máselen, «Meniń jetistigim – meniń nátıjem» sessııasynda «Qazaqstannyń Eńbek eri» ataǵynyń ıeger­leri Uzaqbaı Qarabalın, Murat Qaıyr­geldın, Muhtar Tóleýtaev syndy tulǵalar stýdenttermen, eńbekshil jastarmen suraq-jaýap formatynda kezdesý ótkizip, ózderiniń kásibı jetistikterin baıandady. Al «Eńbek naryǵy. Bolashaq mamandyqtar» sessııasynda jahandyq trendter, qazirgi syn-qaterler, ekonomıka men eńbek naryǵyndaǵy bolyp jatqan ózgerister talqylandy.

Eńbek forýmy «Eńbek joly» respýblıka­lyq baıqaýynyń jeńimpazdaryn marapattaý rásimimen qorytyndylandy. Eńbek áýletteri men óndiris jumyskerleriniń mártebesin art­tyrý maqsatynda jyl saıyn ótkizilip ke­le jatqan baıqaý jeńimpazdaryn marapat­taý rásimine Premer-mınıstrdiń oryn­ba­sary Tamara Dúısenova, Eńbek jáne ha­lyq­ty áleýmettik qorǵaý mınıstri Svet­lana Ja­qypova, Parlament depýtattary­men qatar «Ata­meken» ulttyq kásipkerler palatasy, ju­­mys ber­ýshilerdiń respýblıkalyq birles­tik­­teri, ha­lyqaralyq uıymdardyń ókilderi, eń­bek ar­d­agerleri, baıqaý jeńimpazdary qatysty.

Premer-mınıstrdiń orynbasary Tamara Dúısenova eńbek adamdaryn quttyqtap, merekeniń mańyzyna toqtaldy. «Biz bul jıynǵa baıqaý jeńimpazdaryn quttyqtaý úshin ǵana emes, qurylysshy men energetıkke, dıqanshy men malshyǵa, ushqysh pen temir­jolshyǵa, aspaz ben baǵbanǵa, muǵa­lim men dárigerge, tynyshtyǵymyz ben qaýip­sizdigimizdi  qamtamasyz etetin azamattarǵa, elimizdegi 9 mıllıon eńbek adamyna alǵys aıtý jáne qurmet bildirý úshin jınalamyz. Sizderdiń eńbekterińizdiń arqasynda el eko­nomıkasy bıyl 8 aıda 4,9%-ǵa jáne ón­diris kólemi 3,1%-ǵa ósti. Atap aıtsaq, 10 mln sharshy metr turǵyn úı paıdalanýǵa beril­di. 110 mektep, múgedekterge arnalǵan 6 ońal­tý ortalyǵy, 220 sport ǵımaraty,  6,4 myń sha­qyrym avtojol salynyp jáne qaı­ta jańar­tyl­dy», dedi Tamara Dúısenova. Sony­men qa­tar ol eńbek naryǵynda básekege qabi­letti jas­tar­dy daıarlaý úshin jaǵdaı jasaýǵa, eńbek re­sýrs­taryn saqtaýǵa, qaýipsiz eńbek ortasyn qurýǵa baǵyttalǵan jumystar týraly da aıtty.

Jıynda Tamara Dúısenova Aqmola oblysy «Agrohımııa qyzmeti respýblıkalyq ǵylymı-ádistemelik ortalyǵy» mekemesiniń agrohımıgi (68 jasta) Bazarbaı Qaraǵaevty, «Qaraǵandy medısına ýnıversıteti» KeAQ otbasylyq medısına kafedrasynyń professory (67 jasta) Gúljan Mershenovany,  Astana qalasy «Elektr energııasy jáne qýat naryǵynyń otandyq operatory» AQ analıtıka jáne jobalardy basqarý departamentiniń dırektory (58 jasta) Abaı Shańǵytbaevty, Astana qalasy ákimdiginiń «Nurly júrek» áleýmettik qyzmet kórsetý ortalyǵy» kommýnaldyq mekemesiniń bólme-tazalyqshysy (60 jasta) Lıdııa Rootty «Eńbek ardageri» medalimen marapattady.

Al «Eńbek joly» baıqaýy jyl saıyn eki kezeńde, ıaǵnı óńirlik jáne respýblıkalyq deń­geılerde úsh atalym boıynsha ótkizi­ledi: «Úzdik eńbek áýleti» – eńbek ótili eń uzaq, jetistikteri eń kóp áýlet; «Jumys isteı­tin jas­tardyń úzdik tálimgeri» – jumys ótili ke­min­de 20 jyl, óte tıimdi jumys isteı­tin tálim­ger; «О́ndiristiń úzdik jas mamany» – jumys ótili 5 jyldan aspaıtyn óndiristiń eń belsendi jáne eńbekqor jumyskeri tańdalady. Osy boıynsha bıyl jergilikti atqarýshy organdar baıqaýǵa qatysý úshin 591 ótinim qabyldaǵan.

Sonymen «Eńbek joly-2023» baıqaýy­nyń jeńimpazdary: «Úzdik eńbek áýleti» atalymy boıynsha 1-oryn – astanalyq Amangeldi áýleti – «QTJ» UK» AQ – «Kópfýnksıonaldy damý ortalyǵy», 2-oryn – Shyǵys Qazaqstan oblysynan Aýshınov áýleti – «Kazsınk» JShS Rıdder taý-ken metallýrgııa kesheni, 3-oryn – Pavlodar oblysynan Seıitjan áýleti – «Ekibastuz GRES-2 stansasy» AQ boldy.

«Jumys isteıtin jastardyń úzdik tálim­geri» atalymy boıynsha 1-oryn – «Qara­ǵandy medısına ýnıversıteti» KeAQ klı­n­ı­kasynyń bas hırýrgi, medısına ǵyly­my­nyń doktory, professor Nurqası Abatov (61 jas­ta), 2-oryn – Aqmola oblysy «RG GOLD» JShS siltisizdendirý ýchaskesiniń sheberi Qundyzbek Nuqyshev (59 jasta), 3-oryn – Mańǵystaý oblysy «QazAzot» JShS Synaq ortalyǵynyń basshysy Lıýdmıla Mýrovseva (58 jasta)  jeńimpaz atandy.

«О́ndiristiń úzdik jas mamany» atalymy boıynsha 1-oryn – Abaı oblysy «Vostok Broıler» JShS bas veterınar dárigeri (26 jasta) Áıgerim Aǵatanova, 2-oryn – Qostanaı oblysy Kásibı áskerılendirilgen avarııalyq-qutqarý qyzmetteri shtabynyń órt sóndirýshisi (21 jasta) Anatolıı Ismagýlov, 3-oryn – Soltústik Qazaqstan oblysy «Pet­ro­pavl aýyr mashına jasaý zaýyty» AQ qu­ras­tyrý-mehanıkalyq sehynyń sheberi (26 jasta) Álibek Ýataev marapattaldy.

Ár atalym boıynsha baıqaý jeńim­pazdaryna aqshalaı jáne baǵaly syılyqtar berildi. 1-orynǵa 1 mln teńgeniń sertıfıka­ty men noýtbýk, 2-oryn ıegerlerine – 700 myń teńge jáne iPhone, 3-oryn jeńimpazdaryna – 500 myń teńge jáne iPad tabystaldy. Eńbek ardagerlerine medaldarmen qosa 500 myń teńgeniń sertıfıkattary men baǵaly syılyqtar tapsyryldy.