Búgingi tańda respýblıka boıynsha barlyǵy 223 memlekettik arhıv jumys isteıdi. Onyń ishinde 5-eýi respýblıkalyq. Atap aıtqanda: Ulttyq arhıvi, Ortalyq memlekettik arhıvi, Ortalyq memlekettik kıno-fotoqujattar men dybys jazbalar arhıvi, Ortalyq memlekettik ǵylymı-tehnıkalyq qujattama arhıvi jáne Qoljazbalar men sırek kitaptar ulttyq ortalyǵy.
«Joǵarydaǵy jobanyń maqsaty – óskeleń urpaqty ata-babalarynyń tarıhy hám salt-dástúrimen tanystyryp, Otanǵa, týǵan jerge degen patrıottyq sezimin oıatý jáne ǵylymı-zertteý jumystaryna yntalandyrý, arhıvtik qujattar men arhıv salasynyń tarıhı mańyzyn sezindirý. О́ıtkeni arhıv derek saqtaýshy mekeme retinde eldiń zııatkerlik menshigi men mádenı ıgiliginiń tutastyǵyn qamtamasyz etedi. Sondaı-aq ótken, qazirgi jáne bolashaq kókjıekterin baılanystyratyn platforma», deıdi Arhıv, qujattama jáne kitap isi komıtetiniń basqarma basshysy Ibraım Babaev.
Is-shara aıasynda taqyryptyq fotoqujattyq ekspozısııalar men kórmeler, ekskýrsııalar, shyǵarmashylyq kezdesýler jáne sırek kitaptardy restavrasııalaý jumystary, sheberlik sabaqtary ótkizilip, arhıv júıesi mamandarynyń qyzmet kórsetý jáne ǵylymı zertteý jumysyn júrgizý isi nasıhattaldy. Sonymen qatar jas kórermenge arhıv isin biryńǵaı jetildirý, qoǵamdyq aqparat kózderiniń yqpalyn arttyrý joly ári ortalyqtandyrylǵan derekkózin paıdalaný áreketi sııaqty zamanaýı jumystar tanystyryldy.
Ashyq esik kúniniń tabysty ótýine – belgili ǵalymdar men arhıv salasynyń mamandary atsalysyp, jasóspirimderge arhıvtik qujattardy saqtaý, restavrasııa jasaý, kóne kitaptar men qoljazbalardy aýdarý, qundylyǵyn anyqtaý boıynsha dárister ótkizdi.
