Máselen, ótken týrda týrnır kestesinde kósh bastap kele jatqan Shymkenttiń «Ordabasy» klýby óz alańynda elordanyń «Astanasyn» qabyldap, byltyrǵy el birinshiliginiń jeńimpazyna 2:1 esebimen jol berdi. Osylaısha, qatarynan eki oıynda upaı joǵaltqan shymkenttikter ózderin týrnır kestesinde ókshelep kele jatqan «Astana» men «Aqtóbe» klýbtaryna upaı aıyrmasyn qysqartýǵa múmkindik berip qoıdy. Al bul týrda «Aqtóbe» syrt alańda «Qyzyljarmen» teń oınady – 1:1.
23-týrdan keıin týrnır kestesinde «Ordabasy» 49 upaımen birinshi orynda tursa, 46 upaı bar «Astana» ekinshi satyǵa jaıǵasqan. Al úshinshi satydaǵy «Aqtóbeniń» enshisinde 44 upaı bar.
