Foto: gov.kz
«Uıym qurylǵan 24 jyl ishinde alǵash ret Almatyda 2024 jylǵy tamyz aıynda qazaqtyń ulttyq kúresinen TMD-nyń alǵashqy chempıonatyn ótkizý týraly kelisimge qol jetkizilip otyr. Bul bastamaǵa Memleket basshysy – Qarýly Kúshterdiń Joǵarǵy Bas qolbasshysy Qasym-Jomart Toqaevtyń qazaq kúresin Qazaqstan qoǵamynda nasıhattaý jáne ilgeriletý týraly tapsyrmasyn oryndaý negiz boldy», dedi atalǵan otyrysqa qatysqan Qazaqstan Respýblıkasy Qorǵanys mınıstrligi Sport komıtetiniń tóraǵasy – Ortalyq sport klýbynyń bastyǵy podpolkovnık Arman Ábeýov.
Kelissózder barysynda kelesi otyrystyń kún tártibine Dostastyqtyń qorǵanys mınıstrleri keńesi janyndaǵy áskerı-qoldanbaly sport túrleriniń, sondaı-aq mádenı sport túrleriniń tizbesin ózgertý jáne oǵan qazaqtyń ulttyq kúresin qosý týraly másele engizildi.
Budan bólek, aldaǵy qarasha aıynda Astanada QR Qorǵanys mınıstriniń kýbogi úshin armııalyq qoıan-qoltyq urystan TMD chempıonatyn ótkizý týraly ýaǵdalastyqqa qol jetkizilgenin de aıta ketý kerek.
