Slım-Rıver men Gentıng Haılends qalalaryn jalǵaǵan besinshi kezeńde veloshabandozdar 126.4 shaqyrym joldy júrip ótti. Atalǵan qashyqtyqty birinshi bolyp «EF Education-EasyPost» komandasynyń ókili Saımon Karr baǵyndyrsa, ekinshi jáne úshinshi oryndary ekvadorlyq Djefferson Aleksandr («EF Education-EasyPost») men ıspanııalyq Pablo Kastrılo («Equipo Kern Pharma») ózara bólisti. Al «Astana» sapynan bul kezeńde úzdik nátıjege Vadım Pronskıı ıe boldy. Ol máre syzyǵyn besinshi bolyp kesti.
Besinshi kezeńnen keıin jalpy esepte Saımon Karr kósh bastap keledi. Onyń ýaqyt kórsetkishi – 19 saǵat 25 mınýt 10 sekýnd. Karrdan 1 mınýt 15 sekýndqa qalyp kele jatqan V.Pronskıı besinshi orynda tur.
