Zań buzýshylyq 2023 jyldyń 25 qyrkúıeginde Jetisý oblysynda bolǵan. «Qorǵas-ShHYO» keden beketiniń qyzmetkerleri Shekara qyzmetiniń qyzmetkerlerimen birlesip, Qytaıdan kele jatqan Qazaqstan azamatynyń basqarýyndaǵy «ISUZU TURQUIOSE» markaly avtobýsqa kedendik baqylaý júrgizgen.
«Taýar boıynsha aldyn ala eseptelgen tólenýge tıisti kedendik tólemderi men salyqtar - 1,1 mln teńgeni qurady. Bekitilgen normalarǵa sáıkes bir jeke tulǵaǵa 200 temekini nemese 1 blok temekini tasymaldaýǵa bolady (EEK-nyń 2017 jylǵy 20 jeltoqsandaǵy № 107 sheshimi). Qazirgi ýaqytta kontrabandalyq taýar ýaqytsha saqtaý qoımasyna ornalastyryldy. Kináli tulǵaǵa qatysty ákimshilik jaýapkershilikke tartý jáne is materıaldaryn sotqa jiberý boıynsha is-sharalar júrgizilip jatyr», delingen Memlekettik kirister komıteti taratqan habarlamada.
Sottyń sheshimi boıynsha quqyq buzýshylyqtyń tikeleı obektileri bolǵan taýarlar tárkilenýi múmkin, sondaı-aq jıyrma bes aılyq eseptik kórsetkish mólsherinde aıyppul salynady.
