Foto: E.Omar.
«Qazaqstannan erterek ketip qaldym. Qıyr Shyǵysta júrgende de birde-bir qazaqty kórgen joqpyn. Ushaqtyń apparatýrasyn mehanıkter de menen artyq bilgen joq. Meniń ultym qazaq, men bárinen jaqsyraq bilýim kerek degen oı boldy. Áskerı mektepte 4 jyl oqyǵanda da myńdaǵan adamdardan birde-bir qazaqty kórmedim. Jaqsy oqydym, orys ultynyń jáne basqa ulttardyń ushqyshtarynan áldeqaıda jaqsy ushatynmyn, sondyqtan menimen abaılap sóılese bastady. Biraq «meni qazaq» dep tómen sanaıtyndaryn árdaıym sezip júrdim. Ol kezde gazetterde qazaq azamattaryn «joǵary bilimi bolsa da, shaban bolyp qoı baǵyp júr» dep maqtaǵan maqalalar kóp bolatyn. Solardy oqyǵan sátte biz qazaq ne boldyq dep qapalanatynmyn», dedi ǵaryshker.
«Bir kúni radıodan Bıbigúl Tólegenovany tyńdadym. Mine, japyraqtaı qyz Qazaqstandy qandaı bıikke shyǵaryp jatyr dep oıladym. Sol kisini úlgi tuttym. 1991 jyly Máskeýde alǵash ret naýryzdy ótkizgen kezde, ol kisiniń keshke qaraı Almatyǵa ushatynyn bilip, elshiliktiń qonaq úıine bardym. Bir qushaq raýshan gúlin alyp bólmesine baryp, ol kisini aeroportqa deıin shyǵaryp salǵym keletinin aıttym. Ol kisi sál oılanyp, jaraıdy, dedi. Kostıýmimdi sheshken kezde ordenim kórinip qaldy. Ol kisi maǵan «ne sebepti meni aeroportqa deıin aparǵyń keledi, ýaqytyń kóp pe?», dedi. Men ýaqytym tyǵyz ekenin, alaıda, bir jaǵdaıǵa túsken kezimde sol jaǵdaıdan meni sizdiń ánderińiz, ǵajap daýsyńyz alyp shyqty, myna orden-juldyz sol ánderińizdiń áseri, dedim. Bıbigúl Tólegenovany radıodan estip ediń, endi máshınede tyńda dep aeroportqa jetkenge deıin 40 mınýt án shyrqady», dedi ǵaryshker Toqtar Áýbákirov.
