Foto: Týrızm jáne sport mınıstrligi
57 kelige deıingi salmaqta ½ fınalda Qazaqstan boksshysy Karına Ibragımova tájikstandyq Mıjgona Samadovamen rıngke shyǵady, al 66 kelige deıingi salmaq boıynsha Natalıa Bogdanova taı boksshysy Sývannafeng Djandjaımen judyryqtasady.
Aralas komandalar arasyndaǵy shırek fınalda Qazaqstan sadaqshylary Adel Jeksenbınova men Andreı Tıýtıýn saıysqa shyǵady. Olar Taıland sportshylarymen jartylaı fınalǵa shyǵý úshin teketiresedi.
Qazaqstan veloshabandozdary Rınata Sultanova men Mahabbat Úmitjanova tasjoldaǵy velosporttan fınaldyq jarysqa qatysady.
Búgin bastalatyn grek-rım kúresinen tórt medal jıyntyǵy sarapqa salynady. El namysyn Meıirjan Shermahanbet (67 keli), Maqsat Saılaý (87 keli), Aıdos Sultanǵalı (60 keli), Azat Sadyqov (77 keli) qorǵaıdy.
Komandalyq sport túrleri boıynsha sý dobynan Qazaqstan erler quramasy Sıngapýr komandasymen, al voleıboldan Qazaqstan qyzdar quramasy taılandtyq qarsylastarymen kezdesedi.
4 qazan kúngi tańerteńgi kórsetkish boıynsha medaldyq esepte Qazaqstan 13-shi orynda tur.
Azııa oıyndaryn sport jankúıerleri Qazaqstan jáne Qazsport telearnalarynan tikeleı efırde tamashalaı alady.
