Aǵa bapkeri Qaırat Nurdáýletov shákirtteri 17 qazan kúni 2025 jylǵy Eýropa chempıonatyna irikteý kezeńi aıasynda Ispanııa jastar quramasymen oınaıdy. Kezdesý «Astana Arena» stadıonynda ótedi dep josparlanǵan. Oıyn Astana ýaqytymen 19.30-da bastalady. Bıletter jýyrda ticketon.kz saıtynda satylymǵa shyǵady. Eske sala keteıik, Qazaqstan quramasy Ispanııa, Belgııa, Shotlandııa, Majarstan jáne Malta quramalarymen birge «V» tobyna tústi.
Qyrkúıek aıynda jerlesterimiz eki match ótkizip, ekeýinde de jeńilip qaldy. Alǵash syrt alańda Belgııa jastarynan 1:0 esebimen jol berse, araǵa úsh kún salyp Býdapeshtte Majarstannan 2:1 esebimen jeńildi.
