Foto: macinfo.kz
«Dinı radıkalızmge zańmen qatań tyıym salatyn kez jetti! О́ıtkeni olar ultty joıý kúresin qatań da qatty qarqynmen jalǵastyryp jatyr. «Aq jol» partııasy Parlamentte talaı jyldan beri dinı teris aǵymdarǵa qatań tosqaýyl qoıatyn zań qabyldaýdy usynyp kelemiz. Táýelsiz zaıyrly memleket qurý – Alashtyqtar aıqyndaǵan jol! Dinı radıkalızmge zańmen tyıym salý kerektigi týraly biz, «Aq jol» partııasy 2022 jyly 26 qańtarda Qańtar qasireti shyndyǵyn ashyq aıtý, parlamenttik tyńdaý jasaý týraly parlamentte alǵash kótergende de, keıin 14 naýryzda sol tyńdaý ótken, májiliske Bas prokýror bastap kelgen quzyrly organdardyń esebinde de, eki ret jasaǵan depýtattyq saýalymyzda atap aıtsaq ta biraq áli nátıje joq. «Dini barda, ulty joq, Saqaly bar da, murty joq, El túbine sol jeter!» dep bir ǵasyr buryn murtsyz saqaldylardan saqtandyryp jyr jazǵan Máshhúr Júsip áýlıe shynynda da kóregen eken. Qazirgi shet elge baryp, kúmándi oqýlarda birneshe aı oqyp kelip, jelide jelpinip dáris oqıtyn, teris ýaǵyz aıtatyn teris aǵymdy «ustazdar» ulylarymyzdan artyq, aqyly asyp, bilimi tasyp kelgender me? Eń qasıetti bolyp sanalatyn asyl dinimiz ıslamdy eń qaýipti aǵymǵa aınaldyrý úshin baryn salyp jatqandar qazir qaıta kúsheıip keledi. Dinge, tilge, jerge qarsy elbuzar teris aǵymdardyń bárin zańmen tosqaýyl qoıylýy tıis! El úshin eń qymbat – ultqa, adam úshin eń aıaýly – áke-sheshege, qazaqqa eń adal dombyraǵa qarsy shyqqan haram pıǵyldylardyń erkin tarap jatqan el túbine jeter qaýipti vırýsyn zańmen shuǵyl toqtatatyn kez jetti», dedi Q.Isa.
Tómengi palata depýtaty ulttyq murat-múddege, eldiń yntymaq-birligine iritki salýdy kózdeıtin dinı teris aǵym ókilderiniń tirligine zańmen tyıym salmasa bolmaıtynyn eskertti.
