Syrt aıdyndaǵy oıyndar serııasyn ótkizip jatqan jerlesterimiz bul joly Máskeýde SSKA komandasyna jol berdi. Jergilikti «SSKA Arena» sport kesheninde ótken kezdesýde áskerıler «Barys» qaqpasyna jaýapsyz tórt shaıba soqty. Oıynnyń 8-mınýtynda Pavel Kornaýhov oıynnyń esebin ashsa, ekinshi kezeńde Mıhaıl Grıgorenko mergendik tanytty. Al úshinshi 20 mınýttyqta «Barystyń» eks-hokkeıshisi Darren Dıs tablodaǵy kórsetkishti 3:0-ge jetkizse, 56-mınýtta Konstantın Okýlov oıynnyń núktesin qoıdy. Osylaısha, elordalyq klýb qarsylasyna 4:0 esebimen jeńildi. Bul – jerlesterimizdiń qatarynan tórtinshi, al QHL-dyń bıylǵy maýsymyndaǵy 11-jeńilisi.
Jeńilisten kóz ashpaǵan «Barys» turaqty birinshiliktiń 14-týrynan keıin Shyǵys konferensııasynyń týrnır kestesinde 10 upaımen 10-orynda tur. Jerlesterimiz kelesi oıynyn búgin Máskeý oblysynyń «Vıtıaz» komandasymen ótkizedi.
