Kavkaz musylmandary dinı basqarmasynyń Tóraǵasy Sheıh-ýl Islam Allashúkir Pashazademen kezdesý barysynda Máýlen Áshimbaev atalǵan dinı basqarmanyń sezd maqsattaryna qol jetkizýge aıtarlyqtaı úles qosqanyn tilge tıek etti. Sondaı-aq ol Ázerbaıjan Qazaqstannyń strategııalyq seriktesteriniń biri ekenine nazar aýdardy. Baýyrlas eki el arasyndaǵy yntymaqtastyqtyń nyǵaıýyna, eń aldymen, Memleket basshylarynyń joǵary deńgeıdegi ózara qarym-qatynasy yqpal etip kele jatqany da aıtyldy.
«Bizdiń elderimiz ben halyqtarymyzdy ǵasyrlarmen ólshenetin berik dostyq, ortaq tarıh, dástúr jáne mádenıet baılanystyrady. Qazaqstan Sizdiń eldiń barlyq jetistigin árdaıym shynaıy qýanyshpen qabyldaıdy. Byltyr biz eki el arasyndaǵy dıplomatııalyq qarym-qatynastyń 30 jyldyǵyn atap óttik. Osy jyldar ishinde kóptegen salada memleketaralyq yntymaqtastyq nyǵaıa tústi. Buǵan eki eldiń prezıdentteri Qasym-Jomart Kemeluly Toqaev pen Ilham Geıdaruly Álıevtiń turaqty baılanystary men ýaǵdalastyqtary yqpal etkeni sózsiz. Osy oraıda dinaralyq dıalogti damytý jumystaryn da birlesip jalǵastyrýdyń mańyzy zor dep esepteımin», dedi sezd hatshylyǵynyń basshysy.
Qasıetti taqtyń dinaralyq dıalogi jónindegi Dıkasterııasy Islam máseleleri bıýrosynyń basshysy monsenor Haled Akashemen kezdesýde Máýlen Áshimbaev sezd hatshylyǵy men Qasıetti taqtyń ózara is-qımyl perspektıvalaryna nazar aýdardy.
«Biz sezge turaqty túrde jáne belsendi qatysyp kele jatqanyńyz úshin, sondaı-aq forýmnyń maqsattaryna qol jetkizýge Qasıetti taqtyń eleýli úles qosqanyna rızashylyǵymyzdy bildiremiz. Vatıkannyń beıbitshilikti saqtaý, mádenıetter men dinder arasyndaǵy dıalogti damytý jónindegi qyzmetin árdaıym joǵary baǵalaımyz. Rım Papasy Fransısktiń byltyr qyrkúıekte Qazaqstanǵa jasaǵan Apostoldyq sapary ekijaqty qarym-qatynas tarıhyndaǵy mańyzdy oqıǵalardyń biri boldy», dedi Máýlen Áshimbaev.
Sezd hatshylyǵy din kóshbasshylarymen ǵana emes halyqaralyq uıymdarmen de ózara is-qımylǵa basa mán berip keledi. Senat tóraǵasy Dúnıejúzilik Islam lıgasy Bas hatshysynyń orynbasary, doktor Abdýrahman Abdýlla Ál-Zaıdpen kezdesýde osy baǵyttaǵy bastamalardyń mańyzdylyǵyna toqtaldy.
«Qazaqstan Dúnıejúzilik Islam lıgasynyń dinaralyq jáne konfessııaaralyq dıalogti damytý jónindegi qyzmetin árdaıym joǵary baǵalaıdy. Biz Dúnıejúzilik Islam lıgasyn beıbitshilikke shaqyratyn saıasatty jaqtaýshy jáne jahandyq dinaralyq dıalogke belsendi qatysýshy uıym retinde tanımyz», dedi Palata spıkeri.
Sonymen qatar sezd hatshylyǵynyń basshysy Ál-Azhardyń Islam zertteýleri akademııasynyń Bas hatshysy Nazır Muhammed Elnazır Aıadpen kezdesti. Kezdesýde Álemdik jáne dástúrli dinder kóshbasshylary sezi aıasyndaǵy yntymaqtastyqty odan ári keńeıtý máseleleri sóz boldy.
«Ál-Azhar – dúnıejúzindegi eń kóne jáne musylman álemindegi bedeldi dinı joǵary oqý oryndarynyń biri. Qazaqstandyq stýdentterdi oqytý baǵytynda kórsetken kómegi úshin Ál-Azharǵa alǵysymyzdy bildiremiz. Almatydaǵy «Nur-Múbárak» Mysyr ıslam mádenıeti ýnıversıteti bizdiń mańyzdy ortaq jobamyz ekeni belgili. Sondaı-aq biz Ál-Azhardyń Joǵarǵy ımamy sheıh Ahmed at-Taıebtiń byltyr Álemdik jáne dástúrli dinder kóshbasshylarynyń VII sezine qatysqanyn joǵary baǵalaıtynymyzdy atap ótkim keledi», dedi Máýlen Áshimbaev.
Din kóshbasshylary ózara qoldaý kórsetip, yntymaqtasa áreket etse, adamzat qazirgi jahandyq syn-qaterlerdi tıimdi eńsere alady. Musylman Aqsaqaldar keńesiniń bas hatshysy Muhammed Ábdelsalammen kezdesýde Máýlen Áshimbaev osy máselege erekshe nazar aýdardy. Sondaı-aq suhbat barysynda Dinder kóshbasshylary seziniń atalǵan úderistegi róli keńinen talqylandy.
О́z kezeginde mártebeli meımandar is-sharaǵa shaqyrǵany úshin sezd hatshylyǵynyń basshysy Máýlen Áshimbaevqa alǵystaryn bildirdi jáne forýmdy ótkizý álemdik qoǵamdastyq úshin mańyzdy ekenin aıtty. Sondaı-aq din lıderleri álemde beıbitshilikti saqtaýǵa, qaýipsizdik pen turaqtylyqty nyǵaıtýǵa arnalǵan jumysty odan ári arttyrýǵa múddeli ekenderin jetkizdi.
Kezdesýlerdiń qorytyndysy boıynsha suhbattasýshylar ekijaqty baılanystyń aýqymdy máselelerine kóńil bólip, yntymaqtastyqty ári qaraı nyǵaıtýdyń basym baǵyttaryn belgiledi.
