Tazylar jarysy

«Jarysqa Maılaıaq, Joldaıaq degen on aılyq eki tazymdy ákeldim. Ekeýi de babynda. Olarǵa keıde qarsaq qýalatamyz. Men tamaǵyn berip, erkeletemin. Ekeýin de jaqsy kóremin», deıdi alty jasar Aıba­rys Qyrannur.

О́ńirde osymen tórtinshi márte uıym­dastyrylyp otyrǵan baıqaýdyń bas­ty maqsaty – ulttyq salt-dástúrdi jańǵyr­tý­men qatar, jeti qazynanyń biri sanalatyn qazaq tazysynyń tuqymyn ósirýge qy­zyǵýshylyqty arttyrý, aldaǵy res­pýb­lıkalyq chempıonatqa shyn júırikti anyqtaý.

«Halqymyz ejelden asyl tuqymdy ıtterdi aıryqsha qasterlep, turmys-tir­shiligine senimdi serik etken. Tazymen ashar­shylyq jyldary aýyldy asyraǵany týra­ly áńgimelerdi bilemiz. Qumaı tazy joıylý­ǵa shaq qalǵan edi, seleksıonerlerdiń, sonyń ishinde Almaty oblysynyń ıt ósi­rý­shileriniń arqasynda osy kúni qatary kóbeıdi. Nátıjesinde, oblysta qumaı tazy­lardyń qatysýymen túrli jarystardy jıi ótkizý dástúrge aınaldy. Búgin iri halyq­aralyq jarysqa irikteý júrgiziledi. Oǵan elimizdiń ǵana emes, kórshiles Reseı, Qyrǵyzstan, О́zbekstannyń áýesqoı kıno­logteri qatysatyn bolady», deıdi Al­maty oblystyq «Arǵymaq kókpar» fede­rasııasynyń prezıdenti Kenje Janbota.

Atalǵan shyrǵa tartý jarysynda al­ty topqa bólingen tazylar bir shaqy­rym­ǵa júgirip, baq synasty. Jarys qory­tyndysynda Qarasaı aýdanynan kelgen Qara­qumaı deıtin tazy aldyna qara sal­maı 1-oryndy ıelense, ekinshi oryndy Eń­bek­shiqazaq aýdanynan qatysqan Aqtilek Kádirjannyń Saryqumaıy enshi­ledi. Úshinshi oryn Nester Kýrdjıdıdiń Usharyna buıyrdy.

«Qaraqumaıdy kúshik kezinen ósirip ke­lemin. Munyń aldynda da birneshe ja­rys­qa qa­ty­syp, júldeli oryndar­dy ıelendi. Tazy tazalyǵymen erek­shelenedi. Kó­ringendi jeı bermeıdi, óte tal­ǵam­paz bolady. Ata-baba murasyn jań­ǵyrtýǵa otbasymyzben atsalysýdamyz», deıdi jarys jeńim­pazy Qaraqumaıdyń ıesi Erqanat Manatov.

Almaty oblysynyń deneshy­nyqtyrý jáne sport basqarmasy, Almaty oblysynyń buqaralyq sport­tyq is-sharalar ortalyǵy, ob­lystyq «Arǵymaq kókpar» federasııasy uıymdastyrǵan shyrǵa tartý jarysynyń jeńimpazdary aldaǵy ýaqytta Astanada «Asyl qazyna» respýblıkalyq tazy ósirý qaýymdastyǵy uıymdastyratyn «Qazaqtyń tazylary» atty halyq­aralyq jarysqa joldama aldy.

Almaty oblysy