Kollajdy jasaǵan – Qonysbaı ShEJIMBAI, «EQ»
Basqarma basshysy keltirgen derekke júginsek, qazirgi kezde óńirde 31 naryq sýbektisi kómir satýmen aınalysady. Kómirdiń baǵasy surpyna qaraı belgilengen. Bir sózben aıtqanda, sapaly kómirdiń baǵasy álbette joǵary bolady.
«Shubarkól, Qarajyra markili kómirdiń baǵasy sapasyna qaraı tonnasy 16-19,5 myń teńgeni qurap otyr. Osy oraıda eldi mekender arasyndaǵy qashyqtyqty da eskergen jón. Tutynýshyǵa jetkizý qunyn qosa eseptegende kómir baǵasy 20-23 myń teńgege sharyqtap ketedi.
Baızaq, Jambyl, Talas, Moıynqum aýdandarynda kómir satýmen aınalysatyn, temirjol tuıyqtary bar naryq sýbektileri joq ekeni belgili. Sondyqtan bul tórt aýdannyń turǵyndary kómirdi Taraz jáne Shý qalalarynan satyp alyp otyr.
Qazirgi tańda óńirimizge kómir otyny tıelgen vagondar turaqty túrde kelip jatyr. Kómir qoımalarynda eshqandaı tapshylyq tirkelgen joq. Qysqasy, turǵyndardyń qajetti mólsherde kómir satyp alýǵa eshqandaı kedergi joq ekenin aıta ketken lázim», deıdi Q.Qudaıbergenov jaǵdaıdy túsindirip.
