Foto: aqorda_resmi
«Keıingi bes jylda bul forým IT ındýstrııasynyń sońǵy úrdisteri men damý perspektıvalaryn talqylaýǵa arnalǵan Ortalyq Azııadaǵy eń iri alańǵa aınaldy. Bıyl Digital Bridge forýmyna 20 myńnan astam adam jınaldy. Onyń ishinde 300-den astam IT kompanııanyń ókilderi jáne 30 elden kelgen delegasııa bar. Ádettegideı forýmǵa qyzyǵýshylyq joǵary. Bul Qazaqstannyń Eýrazııa keńistiginde jetekshi ári mańyzdy sıfrlyq jáne qarjylyq tehnologııa haby ekenin taǵy da naqtylaı túsedi», degen Prezıdent bul forýmnyń mańyzy zor ekenin aıtty.
«Jasandy ıntellekt budan bylaı ǵylymı fantastıka emes, ómirdiń aqıqatyna aınaldy. Jańa dáýirdiń bastalǵanyna kýá bolyp otyrmyz. Kezinde elektr jaryǵy men ınternetti oılap tabý tirshiligimizdi qalaı túbegeıli ózgertse, jasandy ıntellekti tehnologııasynyń yqpaly da dál sondaı orasan zor. Ol adamzattyń turmys saltyn múldem basqa arnaǵa buryp, jumys prosesterin avtomattandyrady jáne aýqymdy ekonomıkalyq qundylyq qalyptastyra alady. Keıbir sarapshylardyń baǵalaýynsha, jasandy ıntellektiniń jahandyq ekonomıkaǵa qosatyn eleýli úlesi – dúnıejúzilik IJО́-niń tórtten bir bóligine para-par», dedi Q.Toqaev.
Prezıdent tehnologııanyń elimizde qoldanylýy qarqyndy damýǵa serpin beretinin jetkizdi. Sonymen birge jasandy ıntellektini damytýdyń barlyq tetikterin qarastyrý qajettigin de tapsyrdy.
