Prezıdentke qala ekonomıkasynyń qarqyndy ósip kele jatqany, qysqa merzimdi ekonomıkalyq ındıkator jyl basynan beri 13,5 paıyzǵa kóterilgeni jóninde málimet berildi. О́ńdeý ónerkásibiniń damý qarqyny (+21%) boıynsha Almaty elimizde turaqty túrde birinshi orynda keledi. Megapolıs ekonomıkasyna 1 trıllıon teńgeden astam ınvestısııa tartyldy. Bul rette jeke ınvestısııalardyń ósimi 7,3 paıyzdy qurady. Belsendi jumys istep turǵan shaǵyn jáne orta bıznes sýbektileriniń sany 341 myńǵa deıin jetip, 25,8 paıyzǵa artty. Respýblıkalyq bıýdjettiń túsimi 38,4 paıyzǵa ósip, 3,91 trıllıon teńgege deıin jetti. Jergilikti bıýdjettiń túsimine qatysty jospar 28,7 paıyzǵa (243 mlrd teńge) asyra oryndaldy. Jyl basynan beri 58,7 myń jumys orny ashyldy, onyń 77 paıyzy turaqty jumys orny. 2023 jyldyń qorytyndysy boıynsha ekonomıka ósiminiń qarqyny 6,5 paıyzǵa deıin jetedi degen boljam bar.
Qasym-Jomart Toqaevqa bıylǵy 18 tamyzda Almaty qalasyn damytý máseleleri jónindegi keńeste berilgen tapsyrmalarynyń oryndalý barysy týraly baıandaldy. Seısmıkalyq qaýipsizdikti qamtamasyz etý úshin jer silkinisi týraly aldyn ala habarlaıtyn 28 seısmostansııa ornatý jumystary tolyǵymen aıaqtaldy. Tótenshe jaǵdaı kezinde adamdar jınalatyn 545 qaýipsiz oryn anyqtaldy. Medısınalyq qyzmet kórsetý sapasyn arttyrý úshin Alǵashqy medısınalyq-sanıtarlyq kómektiń biryńǵaı standarty ázirlendi. Jyl basynan beri ólim-jitim kórsetkishi 11 paıyzǵa, ana ólimi 32,4 paıyzǵa, bala ólimi 35,5 paıyzǵa tómendedi. Bilim berý salasynda 4,9 myń oqýshyǵa arnalǵan 10 mektep jáne 4 qosymsha oqý korpýsy salyndy.
Memleket basshysynyń tapsyrmasy boıynsha qalany kógaldandyrýǵa jáne qoǵamdyq keńistikti damytýǵa erekshe nazar aýdarylady. Jyl sońyna deıin qaladaǵy jasyl-jelek kólemi jan basyna shaqqanda 12,3 sharshy metrge deıin ulǵaıady. Almaty qalasynyń ákimi jyl basynan beri jasyl-jelekti avtomattandyrylǵan sýarý júıesimen qamtý kórsetkishi 3,4 ese óskenin málimdedi. Bıylǵy 9 aıda 405 gektar aýmaqta jumys júrgizildi. Jyl sońyna deıin bul kórsetkish 587 gektarǵa deıin jetkiziledi.
Sonymen qatar Prezıdentke Almatydaǵy ortalyqsyzdandyrý isiniń aralyq nátıjeleri tanystyryldy. Memleket basshysy qoldaǵan bastama aıasynda aýdan ákimdikterine olardyń bıýdjetterin 3,1 esege, ıaǵnı 184,3 mıllıard teńgege deıin ulǵaıta otyryp, 15 fýnksııa berildi. Búginde 196 myń sharshy metr jolǵa aǵymdaǵy jóndeý jumystary júrgizildi. 100 shaqyrymnan astam sýmen jabdyqtaý jáne sý tartý jelileri jáne t.b. salyndy.
Kezdesý sońynda Qasym-Jomart Toqaev turǵyndardy sapaly sýmen, sý burý jelilerimen qamtamasyz etý, ınvestısııa tartý jónindegi sharalardy kúsheıtý, sondaı-aq Almaty aglomerasııasymen kólik baılanysyn jaqsartý jónindegi jobalardy odan ári iske asyrýǵa erekshe nazar aýdarýdy tapsyrdy.
