«Zerthanalyq zertteýlerdiń nátıjesi boıynsha bıyl epıdemııalyq maýsymda JRVI, tumaý vırýsy jáne covid-19 vırýsy anyqtalǵan joq. Sońǵy epıdemııalyq maýsymda 40 jáne 41 apta ishinde 14 naýqasta V tıpti vırýs anyqtaldy. Qazirgi ýaqytta bokavırýs (bir jaǵdaı), sınsıtıaldy vırýs (eki jaǵdaı), rınovırýs (alty jaǵdaı) jáne kádimgi koronavırýs (bir jaǵdaı) sııaqty tumaý emes vırýstardyń aınalymy anyqtaldy. JRVI-men aýyrǵan 12 876 jaǵdaıdyń ishinde qaýip tobyna jatatyn naýqastar 2% quraıdy. Mektepke deıingi mekemelerge baratyn uıymdasqan toptaǵy balalar arasynda aýrýshańdyq 12 paıyzdy, al mektep oqýshylary arasynda 17 paıyzdy qurap otyr», dedi Janna Pralıeva.
Ol jiti respıratorlyq vırýstyq ınfeksııalardyń ishindegi eń qaýiptisi tumaý ekenin aıtty. A jáne V tumaýy vırýstyń maýsymdyq ósýin týdyrady. A tıpti vırýs adamdarǵa da, janýarlarǵa da juǵýy múmkin. Qus jáne shoshqa tumaýy A tumaýynyń túri bolyp tabylady. Vırýstyń bul túri tabıǵatta epıdemııaǵa aınalǵan aýyr nemese ortasha aýyrlyqtaǵy aýrýlardy týdyrady. V tıpti vırýs tek adamnan adamǵa juǵady. Bul vırýs túri ádette jergilikti sıpatta bolady jáne A tıpti tumaý epıdemııalarynyń aldynda nemese olarmen qabattasýy múmkin.
Elordalyq sanıtarlyq-epıdemıologııalyq baqylaý departamenti basshysynyń aıtýynsha, ekpe alý tumaýdyń aldyn alýdyń dáleldengen sharalarynyń biri.
«2023-2024 jyldardaǵy epıdemııalyq maýsymda maýsymdyq tumaýǵa qarsy ımmýndaý úshin jergilikti bıýdjet qarajatynan Reseıde óndirilgen «Grıppol plıýs» vaksınasynyń 160 myń dozasy satyp alyndy», dep túsindirdi spıker.
Janna Pralıevanyń aıtýynsha, osy jyldyń 18 qyrkúıeginde epıdemııalyq kórsetkishter boıynsha ınfeksııa juqtyrý qaýpi joǵary tulǵalarǵa, onyń ishinde medısına qyzmetkerlerine, dıspanserlik esepte turǵan balalarǵa, balalar úıleri men balalar úıleriniń tárbıelenýshilerine, oblystaǵy kontıngentke tumaýǵa qarsy egý naýqany bastaldy.
12 qazandaǵy jaǵdaı boıynsha jergilikti bıýdjet esebinen 82 232 adam egildi, bul jalpy qala halqynyń 6 paıyzyn ǵana quraıdy. Táýekel tobyndaǵy adamdardyń 51,5%-y qamtylǵan, onyń ishinde 14 jasqa deıingi balalar – 16136, eresekter – 66096, onyń ishinde medısına qyzmetkerleri – 9569 adam, júkti áıelder – 1650 adam. Sondaı-aq jumys berýshiler esebinen 4627 eresek adam maýsymdyq tumaýǵa qarsy ekpe aldy.
