Resmı málimetterde Júsip ata HII ǵasyrda ómir súrgen jáne ejelgi jazbalarda «Ǵashyq Júsip» atymen áıgili adam deıdi. Iаǵnı bul tirkes ǵulama ǵalym bir Allanyń ilimine qumar-ǵashyq boldy degen sóz.
Bul áýlıeniń kesenesi. Túrkistan qalasynan 25 shaqyrym jerde eski Iqan aýylynda ornalasqan. О́tken ǵasyr basynda keseneniń ishi tolǵan kitap bolǵan deıdi kónekózder. О́kinishke qaraı, keńes úkimeti bul qundy jádigerdiń kóbin 1930 jyldary joıyp jibergen-mys.
Júsip atanyń urpaqtary barshylyq. Áýlet shejiresinde: Kamalıddın – Súleımen – Omar – Jıen – Syddyq atty atalarynyń aty atalsa, jıeni Iqan qojadan taraıtyn Ata qoja urpaǵy Sharafýddın áýlıeniń ısynat-tizbegi jazylypty.
«Uzyndyǵy úsh metr bolatyn qundy qoljazba qazir áýlıe atamyzdyń urpaǵy elorda turǵyny shejireshi qarııa Seıdálim Iýldashevtyń qolynda saqtaýly tur», deıdi komıtettiń baspasóz hatshysy Mádına Sabyr.
Al qundy jazba aqyıesiniń aıtýyna qaraǵanda, jádigerdi atasy Iýldashqoja saqtap kelgen. – Men tarıhshy emespin, – deıdi Seıdálim aka. Qoljazbany biledi-aý degen adamdarǵa kórsettim, olar mátindi oqyp kórip, munda nasabnama emes tarıh jazylǵan deıdi. Iаǵnı hannyń jarlyqtary, jer-sý ataýlary, halyqtyń tynys-tirshiligine qatysty kóptegen málimet bar. Jazbadaǵy derekterdi tolyqtaı zertteý ǵalymdardyń enshisinde. Jádiger kezinde qýǵyn-súrgin saldarynan jerge kómilip aman qalǵandyqtan, qazirgi tańda tupnusqasy joıylý aldynda tur.
«Qundy muralardy joǵaltpaı saqtaý – bolashaǵymyz úshin mańyzdy mindetterdiń biri. Halyqtyń qolynda saqtalǵan osyndaı qundy qujattardy izdep tabýdy basty nazarǵa alyp otyrmyz. Jeke qoldaǵy tarıhı muralardy memleket qorǵaýyna alyp, qanshama belgisiz derekterdiń betin ashýǵa jáne olardyń bolashaqta joıylyp ketpeýine úles qosýymyz kerek», deıdi komıtet tóraǵasy Qýat Borash.
