Qaırat Nurdáýletov jattyqtyratyn elimizdiń jastar quramasy birer kún buryn ǵana О́zbekstan jastarymen teń oınaǵan (0:0) Ispanııa fýtbolshylaryn jeńe almady. «Astana Arena» stadıonynda ótken toptyq kezeńniń úshinshi týr oıynynda jerlesterimiz qarsylastaryna 4:0 esebimen jol berdi. «Qyzyl fýrııa» sapynan birinshi taımda «Barselona» fýtbol klýbynyń túlegi Fermın Lopes mergendigimen kózge tússe, ekinshi taımda Temirlan Anarbekov («Qaırat») qorǵaǵan qaqpaǵa «Valensııa» fýtbolshylary Dıego Lopes pen Fran Peres, «Alaves» klýbynyń oıynshysy Samý bir-bir márteden sańylaý tapty.
Osylaısha, Qazaqstan jastar quramasy 2025 jylǵy Eýropa irikteý kezeńindegi úshinshi oıynyn ótkizip, qatarynan úshinshi matchta jeńildi. Munyń aldynda jerlesterimiz syrt alańda Majarstan (2:0) jáne Belgııa (1:0) quramalaryna jol bergen edi. Jerlesterimiz kelesi oıynyn 16 qarasha kúni syrt alańda Malta quramasymen ótkizip, osy jylǵy oıyndaryn aıaqtaıdy.
