«Bizdiń» ishindegi biz

Jalpy ataýy «Biz» dep atalatyn ekspozısııaǵa avtordyń portret janr­ynda salynǵan 40-tan astam týyndysy qoıylǵan. Saltanatty rásimge kelgen ónertanýshy mamandar jastyǵyna qaramastan Ekaterınanyń ózindik qol­tań­basy aıqyndalyp qalǵanyn, bola­shaǵynan úlken úmit kúttiretin daryndy sýretshi ekenin aıtty.

Jas sýretshi, shyǵarmalarynda kóbine, qaryndash, gýash, akvarel jáne maıly boıaý paıdalanǵan. Avtor týyndylarynyń taqyryby da alýan túrli bolyp keledi. Kenep betindegi kó­rinisterdiń kórkemdik ereksheligi tipti keremet. Ekaterına qazaq da­la­syndaǵy mamyrajaı tirshilik kó­rinisteri, tarıhı tulǵalar, ulttyq salt-dástúr taqy­ryptaryna da boılap baryp, ǵajaıyp shyǵarmalar týdyryp júr.

Avtor shyǵarmashylyǵynyń taqy­ryptyq aýqymy keń ekeni birden kózge uryp tur. Ekaterınanyń qalamynan shyqqan portretterde búgingi qoǵamnyń jarqyn tustary, jarasymdy tirshilik pen adam ómirindegi shýaqty sátter, zaman­dastar arasyndaǵy jylylyq sııaqty máselelermen qatar, qarapaıym qarttardyń, jumysshylardyń, as úıdegi baqytty áıeldiń beıneleri shynaıy kórinis tapqan.

Uıymdastyrýshylardyń aıtýynsha, kórme qazan aıynyń sońyna deıin jumys isteıdi.

Qostanaı oblysy