Maqsatty járdemaqy

2023 jyldyń 1 qaza­nyn­da­ǵy jaǵdaıǵa sáıkes mú­ge­dek­ti­gi boıynsha – 538,4 myń adam, al asyraýshysynan aıyrylý jaǵdaıy bo­ıynsha shamamen 159,5 myń adam memlekettik áleý­met­tik járdemaqy (MÁJ) alady. Múgedektigi boıynsha­ MÁJ kólemi múgedektiktiń toby­na jáne sebebine, sondaı-aq «Respýblıkalyq bıýdjet týra­­ly» Zańda belgilengen eń tó­mengi kúnkóris deńgeıiniń sha­ma­­syna baılanysty bolady. Asy­raý­shy­synan aıy­rylý jaǵ­daıy boıynsha MÁJ kólemi qaı­tys bolǵan asy­raýshynyń asy­ra­ýyndaǵy adam­dardyń sanyna, qaı­tys bolý sebepterine jáne eń tó­mengi kún­kó­ris deńgeıine qaraı bel­gi­lenedi.

Osy sanattaǵy járdem­aqy­lar kólemi bıyl 1 qań­tar­dan bastap eń tómengi kúnkóris deń­geıiniń ulǵaıýyna baılanys­ty­ 8,5%-ǵa ósti, sondaı-aq 1 shil­deden bastap ortasha eseppen 14,5%-ǵa qosymsha arttyryldy. Máse­len, shilde­den bas­tap jalpy­ aýrý­dan múgedektigi boıynsha­ MÁJ kólemi 1-top úshin – 89 248 teńgeni, 2-top úshin – 71 398 teń­ge­ni, 3-top úshin 48 681 teńgeni qu­raı­dy.

Buǵan qosa mindetti áleý­mettik saqtandyrý júıe­si­ne qatysýshylarǵa áleýmet­tik táýe­kelder týyndaǵan jaǵ­daıda MÁSQ-tan áleý­mettik tólemder júzege asyrylady. Bıylǵy 9 aıdaǵy jaǵdaı bo­ıynsha 96,2 myń adam eńbek etý qabiletinen aıyrylý bo­ıynsha áleýmettik tólem, al 61,7 myńǵa jýyq otbasy asyraýshysynan aıyrylý bo­ıynsha áleýmettik tólem aldy. Bul tólemderdiń kólemi jeke jáne mynalarǵa baılanysty: sońǵy 2 jyldaǵy MÁSQ-qa áleýmettik aýdarymdar júrgizilgen ortasha aılyq tabys, eńbekke qabilettiliginen aıyrylý koeffısıentteri, asyraýyndaǵy adamdar sany, mindetti áleýmettik saq­tan­dy­rý júıesine qatysý ótili jáne tabysty aýystyrý.

1 qazandaǵy derek­ke súıen­sek, áleýmettik tólem­derdiń ortasha kólemi eńbekke qabi­let­tiliginen aıyrylý boıynsha – 45 943 teńgeni, asyraýshysynan aıyrylý boıynsha 50 376 teńgeni qurady.

Sonymen qatar jyl basynan beri kópbalaly­ otba­sy­larǵa beriletin mem­le­kettik járdemaqymen orta eseppen 539,6 myń otbasy jalpy somasy 304 mlrd teńge kóleminde qamtyldy. Onyń ishinde qyrkúıek aıynda 497,5 myń otbasyna 31 mlrd teńge kóleminde járdemaqy tólendi. Buǵan qosa bıyl 1 qazandaǵy jaǵdaı boıynsha 107,8 myń otbasyndaǵy 565,7 myń adamǵa ataýly áleýmettik kómek (AÁK) taǵaıyndaldy. Bıyl osy maqsattarǵa bıýdjetten 65,7 mlrd teńge bólindi.